भारतीय चित्रपटसृष्टीतील सर्वात महागडा चित्रपट म्हणून ओळखला जाणारा ‘कांगुवा’ हा चित्रपट या वर्षातील मोस्ट अवेटेड चित्रपट आहे. साऊथचा सुपरस्टार सूर्या, बॉबी देओल आणि दिशा पटनी स्टारर ‘कांगुवा’ हा चित्रपट 14 नोव्हेंबरला प्रदर्शित झाला, पण हा चित्रपट प्रेक्षकांना थिएटरपर्यंत नेण्यात अपयशी ठरला आहे. रिलीजच्या चौथ्या दिवशी चित्रपटाच्या कमाईत मुसंडी मारली असली, तरी दुसऱ्या दिवशी त्याच वेगाने कमाईत घट झाली.

सूर्याच्या ‘कांगुवा’ची लोक खूप दिवसांपासून वाट पाहत होते, पण जेव्हा हा चित्रपट प्रदर्शित झाला, तेव्हा सगळ्यांची निराशा झाली. जेव्हा चित्रपटाचा ट्रेलर रिलीज झाला, तेव्हा सूर्या आणि बॉबी देओलच्या लूकने प्रेक्षकांना खूप प्रभावित केले होते, तथापि, चित्रपटाच्या पुनरावलोकनांवरून असे दिसून आले आहे की तो फक्त फ्लूक होता. हा पॅन इंडिया चित्रपट खूप हिट ठरेल असे बोलले जात होते, परंतु सध्या हा चित्रपट 5 दिवसातही 100 कोटींचा आकडा पार करू शकला नाही.

‘कांगुवा’च्या कमाईबद्दल बोलायचे झाले तर पहिल्या दिवशी या चित्रपटाने 24 कोटींची चांगली ओपनिंग केली होती, मात्र दुसऱ्या दिवसापासूनच त्याची घसरण सुरू झाली. ‘कांगुवा’ने दुसऱ्या दिवशी 9.5 कोटी, तिसऱ्या दिवशी किंचित वाढीसह 9.85 कोटी, चौथ्या दिवशी 10.25 कोटी आणि पाचव्या दिवशी केवळ 3.15 कोटींची कमाई केली आहे. मात्र, चौथ्या दिवशी कमाईत झालेली वाढ पाहता ‘कांगुवा’ पुन्हा रुळावर येईल, असा अंदाज बांधला जात होता, मात्र तसे झाले नाही.

‘कांगुवा’च्या बजेटबद्दल बोलायचे झाले तर, रिपोर्टनुसार, शिव दिग्दर्शित हा चित्रपट 350 कोटींच्या बजेटमध्ये बनला आहे. हा चित्रपट तामिळ, तेलगू, हिंदी, कन्नड आणि मल्याळम या पाच भाषांमध्ये बनवण्यात आला आहे. या चित्रपटाद्वारे बॉबी देओल आणि दिशा पटनी यांनी तमिळ इंडस्ट्रीत पदार्पण केले आहे. चित्रपट प्रदर्शित झाल्यानंतर त्याच्या मोठ्या आवाजावर बरीच टीका झाली होती.

पोस्ट Box Office Day 5 : बॉबी देओलच्या ‘कांगुवा’ची घसरगुंडी, बजेट वसूल करण्यासाठी कमवावे लागणार इतके कोटी वर प्रथम दिसू लागले ...