तुम्ही UGC NET परीक्षेचा अभ्यास करत असाल तर ही बातमी तुमच्यासाठी खास आहे. UGC NET च्या डिसेंबर सत्राची परीक्षा जाहीर झाली आहे. यंदा UGC NET परीक्षा 85 विषयांसाठी घेण्यात येणार आहे. ज्या उमेदवारांना यासाठी अर्ज करायचा आहे त्यांनी ugcnet.nta.ac.in या अधिकृत संकेतस्थळावर जाऊन नोंदणी करू शकतात. दरम्यान, UGC NET साठी अर्ज करणाऱ्या उमेदवारांनी परीक्षेचा पॅटर्न आणि अभ्यासक्रम जाणून घ्या.
UGC NET 2024 साठी अर्ज करण्याची प्रक्रिया 19 नोव्हेंबर 2024 रोजी सुरू झाली होती. यामध्ये उमेदवारांना ऑनलाईन अर्ज करण्यासाठी 10 डिसेंबर 2024 पर्यंतची मुदत देण्यात आली होती. ही परीक्षा जानेवारी 2025 महिन्यात होणार आहे. नोंदणी कशी करावी, याची माहिती खाली जाणून घ्या.
UGC NET 2024 परीक्षेसाठी नोंदणी करण्यासाठी उमेदवारांनी मान्यताप्राप्त विद्यापीठातून संबंधित विषयात पदव्युत्तर पदवी असणे आवश्यक आहे. प्रथम वर्षाची परीक्षा उत्तीर्ण झालेले विद्यार्थीही यासाठी अर्ज करण्यास पात्र मानले जातात. लक्षात ठेवा की, 55 टक्के गुण मिळालेलेच अर्ज करू शकतात. UGC NET परीक्षेत अर्ज करण्यासाठी उमेदवारांचे वय 31 वर्षापेक्षा कमी असावे.
UGC NET 2024 डिसेंबर परीक्षेला बसण्यासाठी सामान्य उमेदवाराकडे 55 टक्के गुणांसह पदव्युत्तर पदवी असणे आवश्यक आहे. तर ओबीसी, एससी आणि एसटी प्रवर्गातील उमेदवारांसाठी हा निकष 50 टक्के निश्चित करण्यात आला आहे.
नव्या नियमांनुसार नेट परीक्षेत पर्सेंटाइल जास्त असलेले श्रेणी 1 मध्ये ठेवण्यात येणार आहे. हे उमेदवार सहाय्यक प्राध्यापक, जेआरएफ आणि पीएचडीसाठी पात्र मानले जातील. अधिक पर्सेंटाइल असलेल्या उमेदवारांना पीएचडी प्रवेशासाठी केवळ मुलाखतीला उपस्थित राहावे लागेल.
मध्यम पर्सेंटाइल असलेल्या उमेदवारांना श्रेणी 2 मध्ये ठेवण्यात येणार असून, त्यांना सहाय्यक प्राध्यापक आणि पीएचडीप्रवेशासाठी पात्र मानले जाईल.
नेट परीक्षेत सर्वात कमी पर्सेंटाइल मिळविणाऱ्या उमेदवारांचा क्रमांक येतो. त्यांना श्रेणी 3 मध्ये ठेवण्यात येणार असून ते केवळ पीएचडी अभ्यासक्रमाच्या प्रवेशासाठी पात्र असतील.
नेट परीक्षेत उत्तीर्ण झालेल्या उमेदवारांच्या नेट पर्सेंटाइलला 70 टक्के, तर मुलाखतीला 30 टक्के वेटेज देण्यात येणार आहे. कॅटेगरी 2 आणि कॅटेगरी 3 या दोन्ही कॅटेगरीतील नेट स्कोअर केवळ एका वर्षासाठी वैध असेल.
