महाराष्ट्राचे काळजीवाहू मुख्यमंत्री एकनाथ शिंदे हे ठाणे येथील ज्युपिटर हॉस्पिटलमधून निघाले.

- देशातील बड्या राज्यांच्या मुख्यमंत्र्यांना व प्रमुख नेत्यांना निमंत्रण

- भाजप शासित राज्यांसह मित्र पक्षांच्या नेत्यांनाही आमंत्रण

- निमंत्रितांमध्ये उत्तर प्रदेश, गुजरात, आंध्रप्रदेश, हरियाणा अशा महत्त्वाच्या राज्यांचा समावेश

- गुरुवारी आझाद मैदानावर तिन्ही पक्षातील अंदाजे १७ ते २६ आमदार घेणार मंत्री पदाची शपथ

- प्रधान नरेंद्र मोदी याच्या उपस्थितीत राज्यातील मंत्री घेणार शपथ

-राज्याचे हिवाळी अधिवेशन लवकर होणार असून, त्या अनुषंगाने मंत्री पदाचे वाटप होणार

- मंत्री कोण आणि कोणाच्या वाटेला किती खाती येणार ? याबाबत अद्याप स्पष्टता नाही

- ईव्हीएमचा मुद्दा तर आहे मात्र त्याबाबत आम्ही बघू तुम्ही संघटनात्मक बांधणी आणि ताकतीने कामाला लागा

- निवडणुका कधीही लागतील त्यामुळे गाफील राहू नका

- पुन्हा लोकांमध्ये जा आणि नव्याने ताकतीने कामाला लागा

 निवडणुकीचा निकाल लागून 11 दिवस उलटले असले तरी अद्याप राज्यात सरकार स्थापन झालेले नाही. त्यातच महायुती सरकारचा शपथविधी 5 डिसेंबरला होणार असल्याची माहिती मिळत आहे. नव्या सरकारच्या शपथविधी संदर्भात मंत्रालयात उच्चस्तरीय बैठक सुरू झाली आहे. मुख्य सचिव सुजाता सौनिक यांच्या दालनामध्ये ही बैठक पार पडत आहे. बैठकीला पोलीस महासंचालक रश्मी शुक्ला, प्रोटोकॉल विभागाच्या प्रधान सचिव मनिषा म्हैसकर आणि इतर अधिकारी उपस्थित आहेत. तर  पोलिस आयुक्त विवेक फणसळकर, विशेष पोलिस आयुक्त देवेन भारती, कायदा व सुव्यवस्था विभागाचे सत्यनारायण चौधरी देखील बैठकीला उपस्थित आहेत.

बंगालच्या उपसागरात धडकलेल्या चक्रीवादळाचा दक्षिणेकडील राज्यांसह महाराष्ट्रालाही फटका बस्तान दिसतोय, पावसाच्या धास्तीने शेतकऱ्यांवर साठवणुकीतला शेतमाल विकण्याची वेळ आली आहे, तर दुसरीकडे दक्षिणेकडील राज्यात झालेल्या पावसाचा शेवग्याच्या लागवडीला मोठा फटका बसला आहे. शेवग्याच्या शेंगा उष्ण असल्याने थंडीत किरकोळ बाजारात शेवग्याच्या शेंगांना मोठी मागणी असते. पण मागणीच्या तुलनेत सध्या बाजारात आवक कमी झाली आहे. परिणामी किलोमागे शेवग्याला प्रतवारीनुसार 500 ते 600 रुपये किलोचा भाव मिळत आहे. त्यामुळे ग्राहकांनीही शेवग्याकडे पाठ फिरवली आहे.

मागच्या चार दिवसांपासून एकनाथ शिंदेची प्रकृती खालावलेली आहे. दरे गावामध्ये बिघडलेली तब्येत ठाण्यात आल्यानंतरही सुधारलेली नाही. आता त्यांच्यावर ज्युपिटर रुग्णालयातील डॉक्टरांकडून उपचार सुरु आहेत.

• मुंबईतील बांद्रा येथे पिण्याच्या पाण्याची पाईपलाईन फुटली

• लाखो लिटर पाणी वाया गेले

• दक्षिण मुंबईत राहणाऱ्या नागरिकांसाठी पाणीपुरवठा करणारी लाईन फुटली

• यामुळे लाखो लिटर पाण्याची नासाडी होत आहे

• ती लाईन फुटून जवळपास 20 ते 25 मिनिटे झाले असून महा नगरपालिकेकडून अद्याप लाईन दुरुस्त करण्यात आलेली नाही

विधानसभा निवडणुकीनंतर ठाकरे गट महानगरपालिकेच्या तयारीला लागल्याचं दिसून येतंय. मुंबईतील सर्व माजी नगरसेवकांची आज मातोश्रीवर बैठक आहे. सर्व नगरसेवकांना उद्धव ठाकरे मार्गदर्शन करणार आहेत. तसेच विधानसभा निवडणुकीतील वार्डनिहाय माहिती देखील घेतली जाणार आहे.

भाजपचे केंद्रीय निरिक्षक आज सायंकाळी मुंबईत दाखल होणार आहेत. गुजरातचे माजी मुख्यमंत्री विजय रुपाणी व केंद्रीय अर्थमंत्री निर्मला सीतारामन मुंबईत येणार आहेत. विजय रुपाणी सायंकाळी ७.३० वाजता, तर निर्मला सीतारामन रात्री ९.३० वाजता पोहोचणार आहेत. मुंबईतील ओबेरॉय हॉटेलमध्ये दोघे नेते वास्तव्यास असतील. दोन्ही निरिक्षक उद्या भाजप आमदारांची बैठक घेणार आहेत. या बैठकीत भाजप विधीमंडळ गटनेत्याची निवड होणार आहे.

राज्याचे काळजीवाहू मुख्यमंत्री एकनाथ शिंदे यांची भरत गोगावले यांनी भेट घेतली आहे. शिंदेच्या वाट्याला आलेल्या मंत्रिपदांमध्ये संधी मिळावी, यासाठी ही भेट होती, असं बोललं जातंय.

५ डिसेंबर रोजी महायुती सरकारचा शपथविधी सोहळा संपन्न होत आहे. या सोहळ्यापूर्वी शिवसेनेची नाराजी दिसून आलेली होती. मात्र आता महायुतीचे नेते एकत्रितपणे कार्यक्रम स्थळाची पाहाणी करणार आहे. गिरीश महाजन, धनंजय मुंडे, संजय शिरसाट हे एकत्रित आझाद मैदानाची पाहाणी करणार आहे.

संसदेच्या मकरद्वारावर अडाणी मुद्यावर विरोधकांनी जोरदार निदर्शनं केली. खासदारांनी "मोदी अदाणी एक हैं" असा बॅनर घेऊन आपल्या निषेधाची भावना व्यक्त केली. या निदर्शनांमध्ये विरोधी पक्षनेते राहुल गांधी यांच्यासह INDIA आघाडीतील अनेक खासदार सहभागी झाले होते. विरोधकांनी अडाणी प्रकरणावरून मोदी सरकारवर तीव्र हल्ला चढवला आहे, तर सरकारने या मुद्यावर कोणतीही ठोस प्रतिक्रिया दिली नाही.

नव्या सरकारच्या मंत्री मंडळ विस्तारात शिवसेना सक्रिय झाली आहे. थोड्याच वेळात शिवसेनेचे नेते गुलाबराव पाटील आझाद मैदानात भाजप नेत्यांसोबत पहाणी करण्यासाठी पोहचणार आहेत. मंत्री मंडळ विस्तारात शिवसेना अलिप्त राहिल्यामुळे अनेक शंका निर्माण झाल्या होत्या, मात्र गुलाबराव पाटील यांच्या या पहाणी दौऱ्यामुळे सर्व शंका पुर्णविरामाला पोहचल्या आहेत.

नवी दिल्लीमध्ये अजित पवार यांच्या राष्ट्रवादी काँग्रेस पक्षाचे आमदार मंत्रिपदासाठी लॉबिंग करत आहेत. अहमदनगर जिल्ह्यातील अकोले मतदार संघाचे आमदार किरण लहामटे हे प्रफुल पटेल यांच्या भेटीसाठी दिल्लीत पोहोचले आहेत. यावेळी अजित पवार देखील दिल्लीत उपस्थित आहेत आणि पक्षाच्या आगामी रणनीतीवर चर्चा केली जात आहे.

गेली दहा वर्ष भारतीय जनता पार्टी केंद्र आणि राज्यात सत्तेत आहे ,भारतातील इतर राज्यातील बहुतांशी वंजारा समाज यापूर्वीच भाजपाकडे वळलेला आहे २०२४ च्या राज्यातील विधानसभेच्या निवडणुकीमध्ये आरएसएस च्या नियोजनबद्ध 'गोधरी कुंभ 'आणि 'संत सेवालाल महाराज लभान बंजारा समृद्धी तांडा योजने'मुळे बंजारा समाजाने भारतीय जनता पार्टीला मोठ्या प्रमाणात मतदान केले आहे.

अंजली दमानिया यांनी ट्विटरवर एक कडवट टीका केली आहे, ज्यात त्यांनी भाजपवर गंभीर आरोप केले. त्यांनी म्हटले आहे की, "विरोधी पक्ष संपवण्याचा भाजपचाच कट आहे." दमानिया यांनी दावा केला की भाजप सत्ता मिळवून विरोधी पक्षांचे अस्तित्वही संपवण्याचा प्रयत्न करत आहे. "सत्ता पण आमचीच आणि विरोधी पक्ष पण आमचाच," अशी त्यांची धारणा आहे. त्यांच्या मते भाजपची ही स्क्रिप्ट अशीच आहे: "गावी जाणे, ताप येणे, पुन्हा घरी येणे आणि पुन्हा बरं न वाटणे." यावरून दमानिया यांनी भाजपच्या धोरणावर प्रश्नचिन्ह उपस्थित केले आहे.

शिरोळ : ‘आंदोलन अंकुश’चे प्रमुख धनाजी चुडमुंगे यांनी ऊस दरासंदर्भात सुरू केलेले अन्नत्याग आंदोलन दुसऱ्या दिवशी सुरूच राहिले. दरम्यान, तहसीलदार अनिलकुमार हेळकर यांनी या आंदोलनाची दखल घेत तोडगा काढण्याकरिता प्रयत्न केले. यामुळे प्रादेशिक सहसंचालक (साखर) कोल्हापूर विभाग यांनी शिरोळ व हातकणंगले तालुक्यांतील पाच साखर कारखान्यांच्या प्रतिनिधींची व ‘आंदोलन अंकुश’ची बैठक मंगळवारी (ता. ३) दुपारी तीन वाजता शिरोळ येथे बोलावली आहे. यामुळे या बैठकीत कोणता तोडगा निघणार, याकडे ऊस उत्पादक शेतकऱ्यांचे लक्ष लागून राहिले आहे.

बाबा सिद्दीकी हत्या प्रकरणात सर्व २६ आरोपींना गुन्हे शाखा मुंबई सत्र न्यायालयाच्या विशेष मोक्का कोर्टात हजर करणार आहे. कोर्टात हजर करून त्यांच्या पोलीस कोठडीची गुन्हे शाखा मागणी करण्याची शक्यता आहे. मोक्का लावण्यात आल्यानंतर पहिल्यांदाच आरोपींना कोर्टात हजर केलं जाणार आहे.

जयसिंगपूर : येथील डॉ. बाबासाहेब आंबेडकर बौद्ध संस्कार मंडळाच्या वतीने ३४ वी अखिल भारतीय बौद्ध धम्म महापरिषद रविवारी (ता. १५) आयोजित करण्यात आली आहे. धम्म परिषदेचे उद्घाटन अखिल भारतीय भिक्खू संघाचे राज्य सचिव भदंत डॉ. उपगुप्तजी महास्थवीर यांच्या हस्ते होणार आहे. यावेळी भदंत प्रा. डॉ. यशकाश्यपायन महास्थवीर, भदंत प्रा. डॉ. एम. सत्यपाल महास्थवीर, भदंत प्रज्ञाशील महास्थवीर, भदंत करुणानंद स्थवीर, आर. आनंद स्थवीर, भदंत संबोधी, भिक्खूणी माताजी बुद्धकन्याजी थेरी प्रमुख उपस्थित राहणार आहेत.

Markadwadi Voting : सोलापूरमधील मारकडवाडीमध्ये आज ईव्हीएमच्या विरोधात बॅलेट पेपरवर मतदान होत आहे. गावातील मतदान भाजपच्याच बाजूने गेल्यामुळे ग्रामस्थांनी बॅलेटपेपरवर मतदान घेण्याचा निर्णय घेतलाय. गावकऱ्यांकडून सर्व तयारी करण्यात आलीये. प्रशासनाकडून या मतप्रक्रियेला विरोध दर्शवला आहे. गावात पाच डिसेंबरपर्यंत जमावबंदी लागू करण्यात आली आहे.

तामिळनाडू : तिरुवन्नमलाई येथे सतत पडणाऱ्या पावसामुळे घरावर दरड कोसळल्याने 5 मुलांसह 7 जणांचा मृत्यू झाला आहे. 4 मृतदेह बाहेर काढण्यात आले आहेत. दरम्यान, उदयनिधी स्टॅलिन यांनी मृतांच्या कुटुंबीयांना 5 लाख रुपयांची मदत जाहीर केली आहे.