Quick commerce நிறுவனமான ஜெப்டோ நிறுவனத்தின் வருவாய் இரண்டு மடங்குக்கு மேல் உயர்ந்துள்ளது. அதாவது நிறுவாய் வருவாய் 120 சதவிகிதம் அதிகரித்து ரூ.4,455 கோடியாக உள்ளது. 2023-24ம் நிதியாண்டில் நிறுவனத்தின் வருவாய் ரூ.2,026 கோடியாக இருந்தது. நிறுவனத்தின் வருவாய் வளர்ச்சி அதிகரித்ததற்கு முக்கிய காரணம், வாடிக்கையாளர்களை கவரும் வகையில் நிறுவனம் மேற்கொண்ட நடவடிக்கையே ஆகும். அதாவது ஜெப்டோவில் ஆர்டர் செய்யப்படும் பொருட்கள் 10 நிமிடத்தில் டெலிவரி செய்யப்படுவதால், இதை பலரும் பயன்படுத்த தொடங்கியுள்ளனர். இதனால் நிறுவனத்தின் வருமானம் கணிசமாக உயர்ந்துள்ளது. இதுமட்டும் இல்லாமல் ஜெப்டோ நிறுவனம், சந்தைப்படுத்தல், பொருட்களின் விலை மற்றும் பலவற்றிற்காக பெரும் தொகையை செலவழித்துள்ளது. நிறுவனத்தின் மொத்த செலவுகள் 23ஆம் நிதியாண்டில் ரூ.3,350 கோடியிலிருந்து 72 சதவீதம் அதிகரித்து 24ஆம் நிதியாண்டில் ரூ.5,747 கோடியாக உயர்ந்துள்ளது.நிறுவனத்தின் செலவு அதிகரித்த போதிலும், நஷ்டம் குறைந்துள்ளது. அதாவது 2023-24ம் நிதியாண்டில் நிறுவனத்தின் இழப்பு 2 சதவிகிதம் குறைந்து ரூ.1,249 கோடியாக இருந்தது. அதே நேரத்தில் கடந்த ஆண்டு 2022-23ம் நிதியாண்டில் நிறுவனத்தின் நஷ்டம் ரூ.1,249 கோடியாக இருந்தது. விரைவு வர்த்தகத் துறை தற்போது கடும் போட்டி நிலவி வருகிறது. இதனால் ஜெப்டோ நிறுவனத்தின் தனது வாடிக்கையாளர் தளத்தை தக்க வைத்து கொள்வதற்காக பல்வேறு முயற்சிகளை மேற்கொண்டு வருகிறது. அதிக அளவிலான விளம்பரம், டிஜிட்டல் மார்க்கெட்டிங் என பல்வேறு இடங்களில் பணத்தை செலவழித்து வருகிறது. Zomato நிறுவனத்தின் Blinkit மற்றும் Swiggy Instamart நிறுவனங்கள் ஜெப்டோ நிறுவனத்தின் போட்டி நிறுவனமாகும். இந்தியாவின் முதல் மூன்று விரைவான வர்த்தக நிறுவனங்களில் Zepto ஒன்றாகும். Blinkit சந்தையில் முன்னணியில் இருக்கும் போது, Swiggy Instamart மற்றும் Zepto இடையே போட்டி உருவாகி உள்ளது.ஜெப்டோ நிறுவனம் தனது சிங்கப்பூர் தலைமையிடத்தை இந்தியாவிற்கு மாற்ற திட்டமிட்டுள்ளது. ஏனெனில் இந்திய பங்குச்சந்தைகளில் ஐபிஓ மூலம் நிதி திரட்ட திட்டமிட்டுள்ளது. தற்போதைய நிலையில் இந்த நிறுவனம் பெரும் நிதி திரட்டும் நிறுவனங்களில் ஒன்றாக உள்ளது.