Ladki Bahin Yojana December Month Installment: मुख्यमंत्री माझी लाडकी बहीण योजनेचे डिसेंबर महिन्याचे पैसे बँकेत कधी जमा होणार असा प्रश्न महिलांच्या मनात उपस्थित होत आहे. लाडकी बहीण योजनेचे आतापर्यंत एकूण पाच हप्ते लाडक्या बहिणींच्या बँक खात्यात जमा झाले आहेत. लाडकी बहीण योजनेचा शेवटचा हप्ता ऑक्टोबर महिन्यात जमा झाला होता. ऑक्टोबर महिन्यात ऑक्टोबर आणि नोव्हेंबर असे दोन्ही महिन्यांचे एकत्रित पैसे देण्यात आले होते. निवडणुकांच्या आचारसंहितेमुळे हा निर्णय घेण्यात आला होता. आता निवडणुका पार पडल्यानंतर सरकार स्थापन झाले आहे त्यामुळे आता डिसेंबर महिन्याच्या हप्त्याचे पैसे बँकेत जमा होण्याची वाट महिला पाहत आहेत.

डिसेंबर महिन्याचा हप्ता कोणत्याही क्षणी बँकेत जमा होणार...
हिवाळी अधिवेशनात लाडकी बहीण योजनेच्या संदर्भात मुख्यमंत्री देवेंद्र फडणवीस यांनी भाष्य केलं. 19 डिसेंबर रोजी मुख्यमंत्री देवेंद्र फडणवीस म्हणाले, राज्यातील शेतकरी, युवा वर्ग, ज्येष्ठ नागरिक, वंचित घटकाला दिलेली आश्वासने पूर्ण केली जातील. शासनाच्या सुरु असलेल्या योजना बंद होऊ देणार नाही.
राज्यातील लाडक्या बहिणींना त्यांचा देय हप्ता अधिवेशन संपल्यावर देण्यात येईल, अशी ग्वाही देत महाराष्ट्र कालही नंबर एक होता, आजही नंबर एक आहे आणि उद्याही नंबर एकच राहील, महाराष्ट्राशी कोणीही स्पर्धा करू शकत नाही, असे मुख्यमंत्री श्री. फडणवीस यांनी विधानसभेत सांगितले.

हे पण वाचा :

विधिमंडळाचे हिवाळी अधिवेशन राष्ट्रगीताने संस्थगित करण्यात आले. 21 डिसेंबर 2024 रोजी अधिवेशन संपले आहे. त्यामुळे आता कोणत्याही क्षणी लाडक्या बहिणींच्या बँक खात्यात डिसेंबर महिन्याचा हप्ता जमा होईल असं बोललं जात आहे.

लाडकी बहीण योजनेसाठी अर्ज करण्याची मुदत 15 ऑक्टोबर होती. या तारखेपर्यंत प्रशासनाकडे लाखोंच्या संख्येत अर्ज दाखल झाले होते. विधानसभा निवडणुकीची आाचारसंहिता लागल्याने या पैकी अनेक अर्जांची छाननी झाली नव्हती. पण आता निवडणुका पार पडल्यानंतर मुख्यमंत्री माझी लाडकी बहीण योजनेतील प्रलंबित अर्जांची पुन्हा छाननी सुरू करण्यात आली. या योजनेसाठी तुम्ही दिलेल्या बँक खात्याचा तपशिल दिलेला असेल पण हे बँक खाते तुमच्या आधार कार्डसोबत जोडलेले नसेल तर तुम्हाला पैसे मिळणार नाहीत. त्यामुळे तुमच्या बँक खात्यासोबत आधारकार्ड जोडणे अनिवार्य आहे. त्यानंतरच तुम्हाला तुमच्या बँक खात्यात पैसे जमा होतील.

हे पण वाचा :

बँक खात्यासोबत आधार कार्ड लिंक आहे की नाही कसे तपासावे ?

सर्व प्रथम या लिंकवर क्लिक करा.

यानंतर आधार लिंकिंग स्टेटस (Aadhaar Linking Status) या लिंकवर क्लिक करा.

मग Bank Seeding Status या लिंकवर क्लिक करा.

आता तुमचा आधार नंबर आणि कॅप्चा इंटर करुन ओटीपीच्या सहाय्याने लॉग ईन करा.

यानंतर uidai.gov.in या साईटवर तुमचे लॉग ईन होईल. या ठिकाणी तुमच्या आधार कार्डसोबत कोणत्या बँकेचे खाते लिंक आहे याची माहिती दिसून येईल.

जर तुम्ही अर्जसोबत दिलेल्या बँक खाते त्यात नसेल तर बँकेत भेट देऊन आपल्या बँक खात्यासोबत आधार कार्ड लिंक करुन घ्या.

बँकेचा एसएमएसज्या लाडक्या बहिणींना यापूर्वी योजनेचे पैसे मिळत आहेत आणि ज्या महिलांचे अर्ज नुकतेच मंजूर झाले आहेत अशा महिलांच्या बँक खात्यात पैसे जमा होताच बँकेचा एसएमएस त्यांना येणार आहे.