Rule Change From 1st of January 2025: देशात दर महिन्याला अनेक आर्थिक बदल होतात आता 1 जानेवारीपासून नवीन महिनाच नव्हे तर नवीन वर्षही सुरू होतंय. वर्षाच्या पहिल्याच दिवसापासून देशात पाच मोठे बदल लागू होणार आहेत. तेव्हा हे बदल नक्की कोणते आहेत, यामुळे तुमच्या खिशावर काही परिणाम होणार का? याबद्दल तुम्हाला जाणून घेणे हे महत्त्वाचे ठरेल. प्रत्येक महिन्याला होणारे बदल हे खासकरून किंमतींमध्ये, नियमांमध्ये होत असतात. त्यातून येत्या महिन्यातही LPG गॅसच्या किमतीत बदल होईल त्यातूनही पेन्शन, युपीआय, शेअर मार्केट यांच्या नियमांमध्येही बदल होतील.

1) LPG च्या किमती1 जानेवारी 2025 रोजी तेल विपणन कंपन्या घरगुती आणि व्यावसायिक एलपीजी गॅसचे नवीन दर जाहीर करतील. गेल्या काही काळापासून कंपन्यांनी 19 किलोच्या व्यावसायिक एलपीजी सिलिंडरच्या किमतीत अनेक बदल केले आहेत. 14 किलोच्या घरगूती सिलिंडरच्या किमती दीर्घकाळापासून स्थिर आहेत याशिवाय हवाई इंधनाच्या किमतीतही बदलू शकतात.

2) EPFO चा नवा नियम
1 जानेवारी 2025 रोजी कर्मचारी भविष्य निर्वाह निधी संघटना म्हणजेच EPFO कडून पेन्शनधारकांसाठी एक नवीन नियम लागू केला जाईल. याअंतर्गत आता पेन्शनधारक देशातील कोणत्याही बँकेतून त्यांच्या पेन्शनची रक्कम काढू शकतील आणि यासाठी त्यांना कोणत्याही अतिरिक्त पडताळणीची आवश्यकता नाही.

3) UPI 123Pay
UPI 123Pay चे नियम रिझर्व्ह बँक ऑफ इंडिया (RBI) ने फीचर फोनद्वारे ऑनलाइन पेमेंटची सुविधा देण्यासाठी सुरू केले होते. त्याची व्यवहार मर्यादा वाढवण्याचा निर्णय घेण्यात आला असून ही मर्यादा 1 जानेवारीपासून लागू होणार आहे. यानंतर यूजर्स आता 10,000 रूपयांपर्यंतचे ऑनलाइन पेमेंट करू शकतील. यापूर्वी ही मर्यादा फक्त 5,000 रूपये इतकी होती.

4) शेअर मार्केट
सेन्सेक्स, सेन्सेक्स 50 आणि बँकेक्सच्या मासिक एक्स्पायरी बदलण्यात आली आहे. आता दर आठवड्याला शुक्रवारी नव्हे तर मंगळवारी होईल. तर तिमाही आणि सहामाही करार शेवटच्या मंगळवारी संपणार आहेत. NSE निर्देशांकाने निफ्टी 50 मासिक करारांसाठी गुरूवार निश्चित केला आहे.

5) शेतकऱ्यांना कर्ज
1 जानेवारी 2025 RBI शेतकऱ्यांना कोणत्याही हमीशिवाय 2 लाख रूपयांपर्यंतचे कर्ज देईल. अलीकडेच आरबीआयने शेतकऱ्यांसाठी असुरक्षित कर्जाची मर्यादा वाढवण्याची घोषणा केली होती. त्यामुळे आता त्यांना 1.6 लाख नाही तर 2 लाख रूपयांपर्यंत कर्ज मिळू शकणार आहे.