मुंबई : 2024 या वर्षी आलेल्या अनेक आयपीओंनी गुंतवणूकदारांना चांगला नफा दिला. आता वर्षाचे काहीच दिवस शिल्लक असतानाही आयपीओची रिघ सुरूच आहे. तुम्हालाही आयपीओमध्ये गुंतवणूक करायची असेल तर इंडो फार्म इक्विपमेंटचा आयपीओवर लक्ष ठेऊ शकता. या आयपीओचे 31 डिसेंबर ते 2 जानेवारीपर्यंत सबस्क्रिप्शन करू शकता. आयपीओचा किंमतपट्टा 204-215 रुपये प्रति शेअर निश्चित केली आहे. ऍंकर गुंतवणूकदार या आयपीओमध्ये 30 डिसेंबर रोजी बोली लावू शकतील. ग्रे मार्केटमध्ये आयपीओची स्थितीInvestorgain.com च्या मते, कंपनीचे शेअर्स ग्रे मार्केटमध्ये 50 रुपयांच्या प्रीमियमवर उपलब्ध आहेत. याचा अर्थ हा शेअर लिस्टिंगवर 24 टक्क्यांपर्यंत नफा कमवू शकतो. कंपनीच्या शेअर्सची संभाव्य सूची किंमत 265 रुपये आहे. तपशील काय आहेतThe Indo Farm Equipment Limited IPO मध्ये 86 लाख नवीन इक्विटी शेअर्स आणि 35 लाख इक्विटी शेअर्सची ऑफर फॉर सेल (OFS) समाविष्ट आहे. कंपनी आयपीओमधून उभारलेल्या निधीचा वापर क्षमता विस्तार, कर्जाची परतफेड आणि कंपनीच्या NBFC उपकंपनी बरोटा फायनान्समध्ये गुंतवणूक करण्यासाठी करेल. कंपनी काय काम करते?1994 मध्ये स्थापन झालेली चंदीगड येथील इंडो फार्म इक्विपमेंट ट्रॅक्टर, पिक आणि कॅरी क्रेन आणि विविध प्रकारच्या कापणी यंत्रांच्या निर्मितीवर लक्ष केंद्रित करते. कंपनी दोन ब्रँड नावांनी कार्यरत आहे: इंडो फार्म आणि इंडो पॉवर, आणि ती आपली उत्पादने नेपाळ, सीरिया, सुदान, बांगलादेश आणि म्यानमारसह अनेक देशांमध्ये निर्यात करते.फर्म 16 HP ते 110 HP पर्यंतच्या पॉवरसह ट्रॅक्टर तयार करते, तसेच 9 ते 30 टन उचलण्याची क्षमता असलेल्या पिक आणि कॅरी क्रेन तयार करते. हिमाचल प्रदेशातील बद्दी येथे असलेली त्याची उत्पादन सुविधा १२७,८४० चौरस मीटर क्षेत्रफळात पसरलेली आहे आणि त्यात फाऊंड्री, मशीन शॉप आणि असेंब्ली युनिट समाविष्ट आहेत. या वर्षी आयपीओंचा विक्रमया वर्षी Hyundai Motor India पासून Swiggy पर्यंतच्या कंपन्यांनी आयपीओच्या माध्यमातून 1.6 लाख कोटी रुपये विक्रमी निधी उभारला. पुढील वर्षदेखील आयपीओसाठीही खूप चांगले असेल, असे मानले जात आहे. आयपीओसाठी हे वर्ष कमालीचे ठरले आहे, हे केवळ आयपीओ लॉन्च करणाऱ्या कंपन्यांच्या आत्मविश्वासाचेच प्रतिबिंब नाही, तर गुंतवणूकदारांच्या विश्वासाचेही प्रतिबिंब आहे. लिस्टिंगच्या दिवशी नफा कमावण्याबरोबरच गुंतवणूकदारांनी दीर्घ मुदतीसाठी कंपन्यांच्या क्षमतेवरही विश्वास व्यक्त केला आहे. या वर्षी डिसेंबरमध्ये आतापर्यंत किमान 15 आयपीओ आले आहेत. ज्या कंपन्यांचे आयपीओ पुढील वर्षी येणार आहेत त्यात एचडीबी फायनान्शियल सर्व्हिसेसच्या 12,500 कोटी रुपयांचा, एलजी इलेक्ट्रॉनिक्स इंडियाचा 15,000 कोटी आणि हेक्झावेअर टेक्नॉलॉजीचा 9,950 कोटी आदींचा सामावेश आहे.