Home Remedies For Ringworm: गजकरण (Ringworm) किंवा नायटा ही एक सामान्य बॅक्टेरियाशी संबंधित त्वचेची समस्या आहे, जे Fungal infection मुळे होते. थंडीत हवामान कमी आर्द्र असते, ज्यामुळे शरीरातील पाणी कमी होऊन त्वचेवर होणाऱ्या जंतूंच्या वाढीला पोषक वातावरण मिळते. ज्यामुळे त्वचेला खाज येणे तसेच इतर समस्या उद्भवतात, ज्यामध्ये नायटा म्हणजेच गजकरणची समस्या देखील उद्भवू शकते. ही अशी स्थिती आहे ज्यात त्वचेवर लालसर वर्तुळाकार चट्टे तयार होतात आणि यामुळे खाज सुटणे, जळजळ होणे यांसारख्या समस्या निर्माण होतात.

गजकरणपासून बचाव करण्यासाठी घरगुती उपाययोग्य काळजी स्वच्छता राखल्यास ही समस्या वेळीच आटोक्यात आणता येऊ शकते. गजकरणचा प्रकोप मुख्यतः उन्हाळ्यात आणि पावसाळ्यात जास्त असतो, पण हिवाळ्यात देखील तो त्रास देऊ शकतो.त्यामुळे तुम्हाला देखील ही समस्या उद्भवत असेल तर त्यावर घरगुती उपचारांसाठी काही प्रभावी उपाय आम्ही घेऊन आलो आहोत

हळद आणि तुपाचा वापर
हळदीमध्ये कुर्कुमिन नावाचे एक शक्तिशाली एंटीबॅक्टेरियल घटक असतात, जे त्वचेच्या फंगल इंफेक्शनवर नियंत्रण ठेवू शकतात. हळदीच्या पेस्टमध्ये थोडे तूप घालून प्रभावित जागी लावा. हे त्वचेतील जळजळ कमी करेल आणि रोग प्रतिकारशक्ती वाढवेल.

तुळशीच्या पानांचा वापर
तुळशीचे पाणी किंवा पेस्ट प्रभावित भागावर चांगले काम करू शकते. तुळशी मध्ये ऍंटीफंगल आणि ऍंटीबॅक्टेरियल गुणधर्म असतात. तुळशीच्या काही पानांची पेस्ट बनवून ती प्रभावित भागावर लावून 30 मिनिटे ठेवा आणि नंतर स्वच्छ करा.

बेकिंग सोडा (Baking Soda)
बेकिंग सोडा प्रबहवीत भागावर हलक्या हाताने लावले जाऊ शकते. यामुळे त्वचेतील ओलावा शोषला जातो आणि फंगल इंफेक्शन कमी होण्यास मदत होते.
हे लावल्यावर काही वेळाने ठराविक भाग स्वच्छ करा.

आवळा आणि दही
आवळ्याचे रस आणि दही एकत्र करून प्रभावित भागावर लावल्याने त्वचेची सूज कमी होण्यास मदत होऊ शकते. आवळ्यात व्हिटॅमिन C आणि अँटीऑक्सिडन्ट असतात, ज्यामुळे त्वचेस बरे होण्यास मदत मिळते.

आलं आणि लसूण
आलं आणि लसूण यामध्ये सँटीफंगल गुणधर्म आहेत. लसूण आणि आलं पेस्ट करून ती प्रभावित जागी लावल्याने त्वचेवरील इन्फेक्शन कमी होऊ शकते.

ऍपल सायडर व्हिनेगर
ऍपल सायडर व्हिनेगर चे pH स्तर त्वचेला संतुलित करतात आणि फंगल इन्फेक्शनला रोखण्यास मदत करतात. यासाठी एका कापसाचा तुकडा घेऊन त्यावर काही थेंब ऍपल सायडर व्हिनेगर घ्या आणि प्रभावित भागावर लावा. यामुळे जळजळ कमी होईल आणि त्वचा स्वच्छ होईल.

पोषक आहार
गजकरण तसेच नायटा सारख्या फंगल इंफेक्शनवर नियंत्रण मिळवण्यासाठी आहारामध्ये थोडे बदल करणे आवश्यक आहे. अति केलरी आणि जास्त तेलकट आहारापासून दूर राहा, कारण हे फंगल वाढीस पोषक वातावरण निर्माण करतात. विटॅमिन C, प्रोटिन, आणि अँटीऑक्सिडन्टसह संतुलित आहार घ्या. तसेच, पाणी अधिक प्यायल्याने शरीर हायड्रेटेड राहते, जे इन्फेक्शनमधून बरे होण्यासाठी महत्त्वपूर्ण आहे.

स्वच्छता राखा
आपल्या शरीराची आणि कपड्यांची स्वच्छता नेहमी ठेवा. नायटा झालेल्या भागाला चांगले स्वच्छ करून कोरडे ठेवा. प्रभावित भागावर जास्त हात लावू नका आणि संसर्ग पसरवू देऊ नका. जर या घरगुती उपचारांनी आराम मिळत नसेल त्वरीत त्वचारोगतज्ञाकडून उपचार घ्या.

Disclaimer: वरील टिप्स सामान्य माहिती आणि घरगुती उपचारांवर आधारित आहे, हा कोणत्याही वैद्यकीय मताचा पर्याय नाही, त्यामुळे वरील कोणत्याही उपायांचा अवलंब करण्यापूर्वी डॉक्टरांचा सल्ला आवर्जून घ्या.