नवीन वर्षाची सुरुवात आपल्या त्वचेला उजळ आणि तजेलदार बनवून करण्याची इच्छा तुम्हाला असेल, तर घरच्या घरी तयार करता येणारा नैसर्गिक फेस पॅक तुमच्यासाठी उत्तम पर्याय ठरू शकतो. सध्याच्या प्रदूषण आणि त्वचेला हानी पोहोचवणाऱ्या रसायनयुक्त उत्पादनांमुळे त्वचेच्या आरोग्यावर परिणाम होतो. मात्र, या समस्येवर घरगुती आणि रसायनमुक्त फेस पॅक उपयोगी ठरतो.

istockphoto

हिवाळ्याच्या दिवसांमध्ये कोरडी आणि निर्जीव त्वचा ही सर्वसामान्य समस्या आहे. बाजारातील महागडी उत्पादने त्वचेसाठी हानिकारक ठरू शकतात. याउलट, नैसर्गिक घटकांपासून तयार केलेले फेस पॅक त्वचेला पोषण देतात, त्वचेला हायड्रेट करतात आणि तिचा नैसर्गिक तेज वाढवतात.

घरी तयार होणारा रसायनमुक्त फेस पॅक

हा फेस पॅक तयार करण्यासाठी तुम्हाला फक्त काही साधे आणि सहज उपलब्ध घटक लागतील:

बेसन (हरभरड्याचे पीठ): त्वचेचा रंग उजळवतो आणि मऊ बनवतो.

हळद:नैसर्गिक जंतुनाशक म्हणून काम करते आणि त्वचेला तेजस्वी बनवते.

दूध:त्वचेला हायड्रेट करून मऊ ठेवते.

मध: त्वचेला पोषण देते आणि मॉइस्चराइझ करते.

लिंबाचा रस:डाग दूर करण्यासाठी उपयुक्त आहे.

कसा बनवाल फेस पॅक?

1. एका छोट्या बाऊलमध्ये दोन चमचे बेसन घ्या.

2. त्यात चिमूटभर हळद मिसळा.

3. एक चमचा दूध, अर्धा चमचा मध, आणि काही थेंब लिंबाचा रस टाका.

4. सर्व साहित्य एकत्र करून एकसंध पेस्ट तयार करा.

5. ही पेस्ट चेहरा आणि मानेला लावा.

6. 15-20 मिनिटांनंतर कोमट पाण्याने चेहरा धुवा.

हा पॅक नियमित लावल्याने त्वचा नैसर्गिकरीत्या चमकू लागते.कोरडेपणा दूर होतो आणि त्वचेला पोषण मिळते. कोणत्याही प्रकारची ऍलर्जी किंवा साईड इफेक्ट्स होत नाहीत. घरच्या घरी तयार केल्यामुळे वेळ आणि पैसे वाचतात.

हेही वाचा :त्वचेच्या सौंदर्यासह केसांना चमकदार करण्यासाठी 'ही' फळे ठरतील फायदेशीर

या फेस पॅकचा वापर आठवड्यातून दोनदा करावा. जर तुमची त्वचा फारच कोरडी असेल, तर दर तिसऱ्या दिवशी वापरणेही फायद्याचे ठरू शकते.

हेही वाचा :हिवाळ्यातही पिंपल्स येतात का? घ्या तेलकट त्वचेची काळजी, फॉलो करा टिप्स

सौंदर्याचे रहस्य हे महागड्या उत्पादनांमध्ये नाही, तर नैसर्गिक पद्धतींमध्ये आहे. या नवीन वर्षात तुम्ही देखील तुमच्या सौंदर्याच्या दिनचर्येमध्ये बदल करा आणि रसायनमुक्त फेस पॅकचा एक भाग बनवा. स्वतःच्या त्वचेची काळजी घेताना नैसर्गिक आणि सुरक्षित पद्धतींचा अवलंब केल्यास, तुम्ही तुमच्या त्वचेला दीर्घकाळासाठी निरोगी आणि तजेलदार ठेवू शकता.