Snake in Helmet Video: सोशल मीडियावर एक व्हिडीओ व्हायरल झाला आहे. ज्यातून एक धक्कादायक प्रकार समोर आला आहे. यात प्रकारात दुर्देवाने एका व्यक्तीला आपला जीव गमावावा लागला आहे. हेल्मेटमध्ये चक्क एक साप अडकला होता. त्याचे या मृत व्यक्तीला भान नव्हते. तेवढ्यात डोक्याला हेल्मेट लावल्याने या सापाने व्यक्तीचा चावा घेतला आणि त्याचा जागीच मृत्यू झाल्याचे धक्कादायक वृत्त हाती येते आहे. सध्या हा व्हिडीओ चांगलाच व्हायरल झाला असून हा व्हिडीओ पाहून अनेकांना धक्का बसला आहे.
या व्हिडिओत एक लहान किंग कोब्रा साप हेल्मेटमध्ये लपलेल्याचे दिसून येईल. सर्पमित्राने हेल्मेटमध्ये काठी टाकताच कोब्राचे पिल्लू आपला फणा काढून हल्ला करण्याचा प्रयत्न करतो. विशेष म्हणजे या सापाने बाईक चालकाच्या डोक्याला दंश केल्याचा दावाही या व्हिडिओतून केला जातो आहे. त्यामुळे या व्यक्तीचा मृत्यू झाल्याचे कळते आहे. एका तरूणाने हेल्मेट घालण्याचा प्रयत्न केला असता त्यात लपलेल्या कोब्राने त्याच्यावर हल्ला. सोशल मीडिया प्लॅटफॉर्म एक्सवर मनोज शर्मा नावाच्या युजरने हा व्हिडिओ शेअर केला आहे. या व्हिडिओसोबतच हेल्मेट घालताना तपासून घेण्याचा सल्लाही देण्यात आला आहे. अन्यथा आता अशी निष्काळजीही आपल्या महागात पडू शकते.
हा व्हिडीओ दक्षिणेतला आहे. परंतु हा नक्की कधीचा आहे याची पुष्टी नाही. सध्या तो व्हायरल झाला आहे. गेल्या वर्षी ऑक्टोबर महिन्यात केरळमध्येही एक घटना घडली होती. एका व्यक्तीने आपले हेल्मेट उचलले तेव्हा त्याला आत काहीतरी विचित्र हालचाली दिसल्या. त्याने तातडीने वनविभागाशी संपर्क साधला आणि एक स्वयंसेवक घटनास्थळी पोहोचला. त्याने हेल्मेट उघडले असता त्यात कोब्रा साप लपलेला आढळला. हा साप लहान असला तरी त्याचे विष अतिशय घातक होते. हे साप इतके लहान असतात. की नक्की ते कसे आणि कुठे लपले आहेत. याची काहीच कल्पनाही येत नाही. तेव्हा आता अतिबारकाईने काळजी घेणे यामुळेच आवश्यक ठरले आहे.
