Stock Market Closing Latest Update 1 January 2025: देशांतर्गत शेअर बाजारात, नवीन वर्षाच्या दिवशी बाजाराची सुरुवात थोड्या वाढीने झाली आणि त्यानंतर जोरदार चढ-उतार पाहायला मिळाले. पण नंतर खरेदीमुळे निर्देशांक वाढीसह बंद झाले.
याचा अर्थ 2025 ची बाजारात जोरदार सुरुवात झाली आहे. निफ्टी 98 अंकांनी वाढून 23,742 वर बंद झाला. सेन्सेक्स 368 अंकांनी वाढून 78,507 वर बंद झाला आणि निफ्टी बँक 200 अंकांनी वाढून 51,060 वर बंद झाला.
Stock Market Closing कोणते शेअर्स वाढले?
सेन्सेक्स कंपन्यांमध्ये मारुती आणि महिंद्रा अँड महिंद्राचे शेअर्स सर्वाधिक तेजीसह बंद झाले. एल अँड टी, एशियन पेंट्स, बजाज फायनान्स, इंडसइंड बँक, एचडीएफसी बँक, रिलायन्स इंडस्ट्रीज, टीसीएस यांचे शेअर्स वाढले. दुसरीकडे, अदानी पोर्ट्स, टाटा स्टील, झोमॅटो, एनटीपीसी, नेस्ले इंडिया, टेक महिंद्रा, स्टेट बँक आणि टायटन यांचे शेअर्स घसरणीसह बंद झाले.
Stock Market Closing ऑटो शेअर्स वाढण्याचे कारण काय?
एक्सचेंजच्या 13 प्रमुख क्षेत्रांपैकी 11 क्षेत्र वाढीसह बंद झाले. ऑटो इंडेक्स 1.3% वर बंद झाला. देशात सर्वाधिक कार विकणाऱ्या मारुती सुझुकीचे शेअर्स 3.2% वाढले. डिसेंबरमध्ये विक्रीत जवळपास 30% वाढ झाल्यानंतर कंपनीच्या शेअर्समध्ये ही वाढ झाली आहे. त्याच वेळी, महिंद्रा अँड महिंद्राचे शेअर्स 2.4% वाढले.
निफ्टी आणि 2024 मध्ये गुंतवणूकदारांना 8.4% परतावा दिला. 2023 मधील सुमारे 20% परताव्याच्या तुलनेत हा परतावा खूपच कमी आहे. कॉर्पोरेट कंपन्यांचे कमकुवत तिमाही निकाल आणि गेल्या तिमाहीत सतत परकीय विक्रीचा परिणाम बाजारावर झाला आहे.
BSE SENSEX
वर्ष 2024 मध्ये, सेन्सेक्स 5,898.75 अंकांनी किंवा 8.16 टक्क्यांनी वाढला आणि निफ्टी 1,913.4 अंकांनी किंवा 8.80 टक्क्यांनी वाढला. BSE बेंचमार्क सेन्सेक्स 27 सप्टेंबर रोजी 85,978.25 च्या विक्रमी शिखरावर पोहोचला आणि त्याच दिवशी NSE निफ्टीने 26,277.35चा उच्चांक गाठला.
तज्ज्ञांच्या मते, नवीन वर्षातही परदेशी विक्री यासारखे घटक कायम राहतील. या आठवड्यात प्रसिद्ध होणारा मासिक वाहन विक्री डेटा आणि प्री-क्वार्टर ट्रेड अपडेट हे भारतीय बाजारांसाठी महत्त्वाचे ठरतील कारण ते बाजाराची पुढची दिशा ठरवतील.
