Ladki Bahin Yojana scrutiny: महायुतीला विजयी करणाऱ्या लाडक्या बहिणींसाठी महत्त्वाची बातमी आहे. राज्य मंत्रिमंडळाची बैठक गुरुवारी (2 जानेवारी 2025) पार पडली. या बैठकीत लाडकी बहीण योजनेच्या संदर्भात एक मोठा निर्णय घेण्यात आला आहे. ज्या लाभार्थी महिलांचे उत्पन्न अडीच लाखांपेक्षा जास्त आहे त्यांची पडताळणी होणार असल्याची माहिती महिला आणि बालकल्याण विकास मंत्री अदिती तटकरे यानी दिली आहे.

लाडकी बहीण योजनेचा लाभ घेण्यासाठी करण्यात आलेल्या योजनांची छाननी करण्यात येणार आहे. ज्यांचे उत्पन्न अडीच लाखांपेक्षा जास्त आहे, आधार कार्ड आणि बँक खात्यातील नावात तफावत असेल तसेच सरकारी नोकरी असलेल्या महिला सुद्धा या योजनेसाठी पात्र नसतील.

हे पण वाचा :

नेमकं काय म्हणाल्या मंत्री अदिती तटकरे?
राज्य मंत्रिमंडळाच्या बैठकीत लाडकी बहीण योजनेच्या संदर्भात महत्त्वाचा निर्णय झाला आहे. या संदर्भात महिला आणि बालकल्याण विकास मंत्री अदिती तटकरे यांनी प्रतिक्रिया देत म्हटलं, लाडकी बहीण योजनेच्या संदर्भात जो शासन निर्णय (जीआर) आहे त्यामध्ये कोणतेही बदल करण्यात येणार नाहीयेत. शासन निर्णयात जे निकष सांगण्यात आले आहेत त्याच्या अधीन राहून व्हेरिफिकेशनची कार्यपद्धत आम्ही ठरवली आहे. त्यामध्ये अडीच लाखांपेक्षा कमी उत्पन्न असलेल्या महिलांना आपण लाभ देत आहोत. त्यानुसार अडीच लाखांपेक्षा जास्त असलेल्या महिलांना योजनेचा लाभ मिळणार नाही.

इन्कम टॅक्स डेटा रिकन्साईल करण्यात येणार आहे. आपल्याकडे काहीजण स्वत:हून माहिती देत आहेत की, आमचं उत्पन्न अडीच लाखांहून अधिक झालेलं आहे त्यामुळे या योजनेसाठी आम्ही पात्र होत नाहीत. साधारणपणे ही संख्या निश्चित करायची आहे. त्यामुळे इन्कम टॅक्स विभागाचा डेटा आम्ही रिकन्साईल करणार आहोत.

हे पण वाचा :

योजनेचे स्वरूप
पात्र महिलेला तिच्या स्वतःच्या आधार लिंक केलेल्या थेट लाभ हस्तांतरण (डायरेक्ट बेनिफिट ट्रान्स्फर) सक्षम बॅंक खात्यात दरमहा 1 हजार 500 रूपये इतकी रक्कम दिली जाईल. तसेच केंद्र, राज्य शासनाच्या अन्य आर्थिक लाभाच्या योजनेद्वारे 1 हजार 500 रूपये पेक्षा कमी लाभ घेत असेल तर फरकाची रक्कम या योजनेद्वारे पात्र महिलेस देण्यात येईल.

योजनेच्या लाभार्थीमहाराष्ट्र राज्यातील 21 ते 65 या वर्ष वयोगटातील विवाहित, विधवा, घटस्फोटीत, परित्यक्त्या आणि निराधार महिला योजनेच्या लाभासाठी पात्र असतील. 2 लाख 50 हजार रुपये पेक्षा कमी उत्पन्न असणाऱ्या महिला लाभासाठी पात्र असतील. 2 लाख 50 हजार रुपये उत्पन्नाचा दाखला उपलब्ध नसेल मात्र कुटुंबाकडे पिवळे आणि केशरी रेशनकार्ड असेल त्यांनी उत्पन्नाच्या दाखला देण्याची आवश्यकता असणार नाही. 15 वर्षापूर्वीचे रेशन कार्ड, मतदार ओळखपत्र, शाळा सोडल्याचे प्रमाणपत्र, जन्म दाखला या 4 पैकी कोणतेही ओळखपत्र अथवा प्रमाणपत्र असल्यास ते ग्राह्य धरण्यात येणार आहेत.