Dhanashree Verma Yuzvendra Chahal Divorce: भारतीय संघाचा चतुर चालाख फिरकीपटू युझवेंद्र चहल आणि त्याची पत्नी धनश्री वर्मा यांच्या नात्याबद्दल एक आश्चर्यकारक बातमी समोर आली आहे. दोघांमध्ये मोठा दुरावा आला दोघेही विभक्त होणार असल्याचा दावा अनेक रिपोर्टमधून केला जात आहे. धनश्री आणि चहलचे संबंध बऱ्याच दिवसांपासून चांगले नाही, दोघेही एकमेकांपासून वेगळे झाले असून आता घटस्फोट घेणार असल्याचा देखील दावा केला जात आहे. याधी देखील अशाच चर्चा रंगल्या होत्या, परंतु तेव्हा चहलने त्या केवळ अफवा असल्याचे सांगितले होते. पंरतु यावेळी दोघांनी या चर्चांना खतपाणी घातले आहे.

चहलने इन्स्टावरून हटवले धनश्रीसोबतचे फोटो
चहल आणि धनश्री यांच्यातील घटस्फोटाच्या चर्चांना बळ मिळाले ते सोशल मीडियावरून युझवेंद्र चहलने त्याच्या इन्स्टाग्रामवरून धनश्रीसोबतचे सर्व फोटो हटवले आहेत. शिवाय दोघांनी एकमेकांना अनफॉलो देखील केले आहे. त्यामुळे आता दोघे वेगळे होणार असल्याचा दावा माध्यमांमधील अनेक रिपोर्टमध्ये करण्यात आला आहे. यामुळे दोघांच्या चाहत्यांकडून आश्चर्य व्यक्त केले जात आहे. दरम्यान आता दोघांचा घटस्फोट झाला तर मालमत्तेची विभागणी होणार का आणि झाली तर ती कशी होणार असे प्रश्न उपस्थित होत आहेत. तसेच विभागणी करण्याबाबतचा काय नियम काय आहे असे देखील प्रश्न समोर येत आहेत.





धनश्री आणि चहल यांची सपत्ती किती?
धनश्री आणि चहल दोघेही कोट्यवधींच्या संपत्तीचे मालक आहेत. चहल क्रिकेटमधून भरपूर पैसा कमावतो, तसेच जाहिरातींमधूनही त्याने मोठी कमाई केली आहे. मीडिया रिपोर्टनुसार चहलची एकूण संपत्ती 45 कोटी रुपये आहे. याशिवाय आयपीएल 2025 साठीच्या लिलावात पंजाब किंग्सने त्याला 18 कोटी रुपयांमध्ये विकत घेतले आहे. धनश्री देखील एक उत्तम व्यावसायिक नृत्यांगना आहे. ती अनेक टीव्ही शोमध्ये दिसली आहे. तीची स्वत:ची नृत्य अकादमी देखील आहे. धनश्रीदेखील तिच्या कलेतून आणि जाहिरातींमधून चांगले उत्पन्न मिळवते. मीडिया रिपोर्टनुसार धनश्री 25 कोटी रुपयांची मालकीन आहे. आता दोघांमध्ये घटस्फोटाच्या बातम्या समोर येत असल्याने चहल धनश्रीला किती रुपये पोटगी देणार असा प्रश्न चर्चिला जात आहे.





धनश्रीला किती रुपये पोटगी मिळणार?
घटस्फोटाच्या प्रकरणांमध्ये पोटगीचा निर्णय आणि इतर सर्व काही न्यायालयाच्या निर्णयावर अवलंबून असते. चहल आणि धनश्री या दोघांचा स्वभाव चांगला आहे. घटस्फोट झाला तर धनश्रीला मालमत्तेत वाटा हवा की नाही आणि हवा असेल तर तो किती हवा आहे, हे पूर्णपणे तिच्यावर अवलंबून असेल. तिला हवे असल्यास ती याबाबत न्यायालयात जाऊ शकते. मात्र, हार्दिक पांड्या आणि नताशा स्टॅनकोविचच्या बाबतीत पैशांचा मुद्दा पुढे आला नव्हता.