Maharashtra Marathi Breaking News Live Today:संतोष देशमुख खून प्रकरणात आता नवा खुलासा समोर आला असून, संतोष देशमुखच्या भावाने न्यायालयात दाखल केलेली याचिका मागे घेतल्याचे माहिती समोर येत आहे. राज्यात घडत असलेल्या सर्व घडामोडींवर आम्ही लक्ष ठेवून आहोत. तर बघू आज दिवसभरात काय घडतं ते....

सरपंच देशमुख यांच्या हत्येवरून संपूर्ण राज्यात वातावरण तापले आहे. तसेच, महाराष्ट्रातील बीड जिल्ह्यातील सरपंच संतोष देशमुख हत्या प्रकरणातील पीडितेच्या कुटुंबीयांनी मंगळवारी राज्याचे मुख्यमंत्री देवेंद्र फडणवीस यांची भेट घेऊन या प्रकरणात लवकरात लवकर न्याय देण्याची मागणी केली. पुण्यातील बीपीओमध्ये काम करणाऱ्या महिलेवर तिच्या पुरुष सहकाऱ्याने चाकूने हल्ला केला. या घटनेत महिलेचा मृत्यू झाला आहे. या घटनेबाबत पोलिसांनी सांगितले की, कर्ज घेण्याच्या वादातून हा हल्ला झाला आहे.

ठाणे जिल्ह्यातील डोंबिवलीत वडील आणि मुलीच्या नात्याला कलंक लावणारी धक्कादायक घटना समोर आली आहे. मुलीला एकटी पाहून वडिलांचा हेतू बिघडला आणि त्याने अल्पवयीन मुलीसोबत घाणेरडे कृत्य केले.

नागपुरातून एक हृदयद्रावक घटना समोर आली आहे. लग्नाचा वाढदिवस नातेवाईकांसोबत साजरा करून एका जोडप्याने गळफास घेऊन आत्महत्या केली. पोलिसांना घरातून सुसाईड नोट आणि व्हिडिओ सापडला आहे. यामुळे अनेक खुलासे झाले आहे. महाराष्ट्रातील नाशिक जिल्ह्यातील टिळकवाडी परिसरात मुलाच्या लग्नाच्या काही दिवस आधी एका जोडप्याने आत्महत्या केली. पोलिसांनी मंगळवारी ही माहिती दिली. महाराष्ट्रातील मुंबई मध्ये जुहू परिसरात एक मुलगा दोन वर्षांच्या मुलीवर तोल गेल्याने पडला व त्यात दोन वर्षाच्या मुलीचा मृत्यू झाल्याची घटना समोर आली आहे. महाराष्ट्रातील मुंबईतील एका खासगी शाळेतून एका विद्यार्थ्याने आपल्याच मित्रावर चाकूने हल्ला करून जखमी केल्याची मोठी घटना समोर आली आहे. याप्रकरणी पोलिसांनी कारवाई करत गुन्हा दाखल केला आहे.

संतोष देशमुख खून प्रकरणात दिवसेंदिवस नवनवीन खुलासे होत आहे. अशा परिस्थितीत आता या प्रकरणाला नवे वळण मिळाले आहे. यावेळी संतोष देशमुख यांचे भाऊ धनंजय देशमुख यांनी उच्च न्यायालयात दाखल केलेली याचिका मागे घेतली आहे.

विदर्भातील गोंदिया जिल्ह्यातील एमटीडीसीचे नवेगाव धरण पर्यटन निवासस्थान नवेगाव नागझिरा व्याघ्र प्रकल्पाजवळ कायमस्वरूपी बांधण्यात आले असून हे पर्यटनाच्या दृष्टीने आकर्षणाचे केंद्र ठरणार आहे. या पर्यटन निवासस्थानाचे उदघाटन राज्याचे मुख्यमंत्री देवेंद्र फडणवीस यांच्या हस्ते करण्यात आले. या वेळी उपमुख्यमंत्री एकनाथ शिंदे, पर्यटन मंत्री शंभूराज देसाई, राज्याचे पर्यटनमंत्री इंद्रनील नाईक, सचिव जयश्री भोज, पर्यटन विकास महामंडळाचे प्रशासकीय संहलक मनोज कुमार सूर्यवंशी उपस्थित होते.