Makar Sankranti 2025 Date Auspicious Time : 

मकर संक्रांती हा हिंदू संस्कृतीतील एक प्रमुख सण मानला गेला आहे. पौष महिन्यात ज्यावेळी सूर्य मकर राशीत प्रवेश करतो त्यावेळी हा सण साजरा केला जातो. यावर्षी हा सण कधी साजरा करायचा आहे याबाबत संभ्रम निर्माण झाला आहे. लोकांमध्ये मकर संक्रांती १३ जानेवारी की १४ जानेवारीला साजरी करायची याबाबत साशंकता आहे. 

जाणकारांच्या मते या वर्षी १४ जानेवारीलाच मकर संक्रींतीचा सण साजरा केला जाणार आहे. संक्रातीनंतर ऋतू बदलतो अशी हिंदू संस्कृतीत मान्यता आहे. या दिवशी स्नान आणि दान यासारख्या पुण्यप्राप्तीच्या कार्यांना विशेष महत्व देण्यात आलं आहे. तसेच या दिवशी भारताच्या विविध भागात विविध प्रकारचे खाद्यपदार्थ देखील केले जातात. 

हेही वाचा : ज्या मुलांमध्ये 'या' चांगल्या सवयी असतात, ते मुलींचे मन पटकन जिंकतात

istock

रूढ मान्यतेनुसार या सणाला सूर्यदेव आपला पुत्र शनीला भेटण्यासाठी जातात. सूर्य आणि शनीच्या बाबतीत हा सण असल्यानं याला फार महत्व देखील आहे. याच वेळी शुक्राचा देखील उदय होत असतो. त्यामुळे या काळानंतर शुभ कार्यांचा प्रारंभ केला जातो. 

उद्यातिथीनुसार मकर संक्रांती यावेळी १४ जानेवारीला आली आहे. या जिवशी सूर्य सकाळी ८ वाजून ४१ मिनिटांनी मकर राशीत प्रवेश करणार आहे. हिंदू पंचांगानुसार मकर संक्रांतीचा शुभ काळ हा सकाळी ९ वाजून ०३ मिनिटांपासून सायंकाळी ५ वाजून ४६ मिनिटांपर्यंत आहे. तर महापुण्यकाळ हा सकाळी ९.०३ पासून सकाळी १०.४८ पर्यंत आहे. 

  हेही वाचा :   Actor Ajith Kumar Car Crashed : अभिनेता अजित कुमारची गाडी 180 kmph च्या वेगाने धडकली... वाटलं आता हा गेला

Istock

या दिवशी सकाळी स्नान करून तांबूस फुले व अक्षत भांड्यात टाकून सूर्याला अर्घ्य द्यावे. सूर्य बीज मंत्राचा जप करा. श्रीमद्भगवदाचा एखादा अध्याय पाठ करा किंवा गीता पाठ करा. नवीन धान्य, घोंगडी, तीळ आणि तूप दान करा. जेवणात नवीन धान्याचे पदार्थ बनवा. देवाला अन्न अर्पण करून प्रसाद म्हणून सेवन करा. या दिवशी एखाद्या गरीब व्यक्तीला भांडीसह तीळ दान केल्याने शनिशी संबंधित सर्व त्रास दूर होतात.