இந்திய அணிக்காக 9 டெஸ்ட் போட்டிகளிலும், 9 ஒருநாள் போட்டிகளில் விளையாடி இருக்கிறார் வருண் ஆரோன். அவர் டெஸ்ட் போட்டிகளில் 18 விக்கெட்களையும், ஒருநாள் போட்டிகளில் 11 விக்கெட்களையும் வீழ்த்தி இருக்கிறார். முதல் தர டெஸ்ட் போட்டிகளில் 103 இன்னிங்ஸ்களில் 173 விக்கெட்களை வீழ்த்தி இருக்கிறார்.

இந்திய அணிக்காக கடைசியாக 2015 ஆம் ஆண்டில் விளையாடி இருந்தார் வருண் ஆரோன். அதன் பின் அவருக்கு இந்திய அணியில் போதிய வாய்ப்புகள் கிடைக்கவில்லை. உள்ளூர் போட்டிகளில் அதிக கவனம் செலுத்தி ஆடி வந்தார். அவர் உள்ளூர் போட்டிகளில் ஜார்கண்ட் அணிக்காக அதிக போட்டிகளில் விளையாடி இருக்கிறார்.

ஐபிஎல் தொடரில் அவர் 52 போட்டிகளில் விளையாடி இருக்கிறார். டெல்லி கேப்பிடல்ஸ், ராயல் சேலஞ்சர்ஸ் பெங்களூரு, பஞ்சாப் கிங்ஸ், ராஜஸ்தான் ராயல்ஸ் மற்றும் குஜராத் டைட்டன்ஸ் ஆகிய அணிகளில் வருண் ஆரோன் இடம் பெற்று இருந்தார்.

அவருக்கு தற்போது 35 வயது ஆகிறது. தற்போது நடைபெற்று வரும் 2024-25 விஜய் ஹசாரே ட்ராபி தொடரில் ஜார்கண்ட் அணிக்காக ஆடினார். அத்துடன் தனது கிரிக்கெட் பயணத்தை முடித்துக் கொள்ள அவர் முடிவு செய்து இருக்கிறார். 

சர்வதேச கிரிக்கெட்டில் இருந்தும் உள்ளூர் கிரிக்கெட்டில் இருந்தும் ஓய்வை அறிவித்து இருக்கிறார் வருண் ஆரோன். இனி தனது குடும்பத்தினருடன் நேரத்தை செலவிட உள்ளதாக கூறி இருக்கிறார் வருண் ஆரோன்.