துபாயில் நடைபெற்று வரும் துபாய் 24H கார் ரேஸிங் போட்டியில் 992 போர்ஷே பிரிவில் நடிகர் அஜீத்குமார் 3 வது இடத்தைப் பிடித்து சாதனை படைத்துள்ளார். ஒட்டுமொத்த ரேஸில் நடிகர் அஜித் குமார் ரேஸிங் அணி 23வது இடத்தை பிடித்துள்ளார்.
தனது அணி வெற்றி பெற்றதும் தேசிய கொடியுடன் மகிழ்ச்சியை கொண்டாடினார் நடிகர் அஜித் குமார். இந்தியாவைச் சேர்ந்த ஒரு அணி சர்வதேச போட்டியில் 3 வது இடத்தை பிடிப்பது மிகப்பெரிய சாதனையே. அதுவும் அஜித் கலந்து கொண்ட முதல் போட்டியிலேயே இவ்வளவு பெரிய சாதனையை அந்த அணி செய்துள்ளது குறிப்பிடத்தக்கது.
இந்நிலையில், கார் ரேஸில் வெற்றி பெற்ற நடிகர் அஜித்குமாருக்கு, நடிகர் ரஜினிகாந்த் வாழ்த்துக்களை தெரிவித்துள்ளார். இது குறித்து நடிகர் ரஜினிகாந்த் தனது எக்ஸ் வலைதள பக்கத்தில் “ வாழ்த்துக்கள் எனது அன்பே...நீங்கள் இதை செய்துவிட்டீர்கள். கடவுள் உங்களை ஆசீர்வதிப்பார். லவ் யூ “ என பதிவிட்டுள்ளார்.
!
