உத்கலிகா ஸ்வைன், ஒடிசா மாநிலம் புவனேஸ்வரைச் சேர்ந்தவர். இவர் உத்கல் சங்கீத் மகாவித்யாலயாவில் 12 ஆம் வகுப்பு படித்து வருகிறார். அவர் தனது நண்பர்களுடன் அப்பகுதியில் உள்ள ஒரு தனியார் விடுதியில் தங்கியிருந்தார். இந்த நிலையில், உத்கலிகா தனது அறையில் தனியாக இருந்தார், அவரது நண்பர்கள் சொந்த ஊருக்குச் சென்றிருந்தனர்.

பின்னர், இன்று காலை, இரண்டு தோழிகளும் விடுதிக்குத் திரும்பினர். வந்தவர்கள் நீண்ட நேரம் அறையின் கதவைத் தட்டினர். நீண்ட நேரம் கழித்தும், உத்கலிகா கதவை திறக்கவில்லை. இதனால், அங்கு வந்த விடுதி காவலாளியும் அவரது நண்பர்களும் கதவை உடைத்து உள்ளே நுழைந்தனர். உத்கலிகா தனது துப்பட்டாவைப் பயன்படுத்தி மின்விசிறியில் தூக்குப்போட்டு தற்கொலை செய்து கொண்டதைக் கண்டு அனைவரும் அதிர்ச்சியடைந்தனர்.

பின்னர், தகவல் கிடைத்ததும், போலீசார் சிறுமியின் உடலை மீட்டு பிரேத பரிசோதனைக்காக மருத்துவமனைக்கு அனுப்பினர். தற்கொலை செய்து கொண்ட பெண்ணின் தொலைபேசியை போலீசார் கைப்பற்றினர். தற்கொலைக்கான காரணம் குறித்தும் போலீசார் தீவிர விசாரணை நடத்தி வருகின்றனர்.

!