தெலுங்கானாவின் மேடக் மாவட்டத்தில் நடந்த ஒரு திருட்டு வழக்கை போலீசார் விசாரித்து வருகின்றனர். விசாரணையின் ஒரு பகுதியாக, சிசிடிவி காட்சிகளை போலீசார் ஆய்வு செய்துள்ளனர். சிசிடிவி காட்சிகளில், ஒரு பெண்ணை மூன்று ஆண்கள் வலுக்கட்டாயமாக சாலையில் இழுத்துச் சென்றனர். பின்னர், மூன்று ஆண்கள் அந்தப் பெண்ணை பாலியல் வன்கொடுமை செய்தனர். இதைத் தொடர்ந்து, சிசிடிவி காட்சிகளில் இருந்த பெண் யார், யார் அவரை பாலியல் வன்கொடுமை செய்தனர் என்பதை அறிய போலீசார் தீவிர விசாரணை நடத்தி வந்தனர்.

இதைத் தொடர்ந்து, சிசிடிவி காட்சிகளில் பெண்ணை பாலியல் வன்கொடுமை செய்த மூன்று ஆண்களை போலீசார் கண்டுபிடித்து கைது செய்தனர். மேலும் விசாரித்ததில், மூவரும் தாங்கள் செய்த குற்றத்தை ஒப்புக்கொண்டனர். மேலும், பாதிக்கப்பட்ட பெண்ணின் அடையாளம் குறித்து போலீசார் நடத்திய விசாரணையில், அந்தப் பெண் மனநலம் பாதிக்கப்பட்டவர் என்பது தெரியவந்தது. நிசாமாபாத் மாவட்டத்தைச் சேர்ந்த அந்தப் பெண் ஒரு வாரத்திற்கு முன்பு வீட்டை விட்டு வெளியேறிவிட்டதாகவும் தெரியவந்தது.

இதைத் தொடர்ந்து, நிசாமாபாத் மாவட்டத்தில் உள்ள பெண்ணின் பெற்றோருக்கு இந்த சம்பவம் குறித்து போலீசார் தகவல் தெரிவித்துள்ளனர். சம்பவம் குறித்து போலீசார் தொடர்ந்து விசாரணை நடத்தி வருகின்றனர். மனநலம் பாதிக்கப்பட்ட பெண்ணை மூன்று ஆண்கள் பாலியல் வன்கொடுமை செய்த சம்பவம் பெரும் அதிர்ச்சியை ஏற்படுத்தியுள்ளது.

!