ஒரு முட்டையில் 6.3 கிராம் புரோட்டீன் உள்ளது. இதில் வெள்ளைக்கருவில் 3.5 கிராம் புரோட்டீனும், மஞ்சள் கருவில் 2.8 கிராமும் உள்ளது. முட்டையின் வெள்ளைக்கருவில் குளோரின், மெக்னீஷியம், பொட்டாஷியம், சோடியம், சல்பர், ஜிங்க் உள்ளிட்ட 11 மினரல்கள் உள்ளன. மஞ்சள் கருவில் வைட்டமின் டி, பி 12, ஏ, இ, கே, பி 6 போன்ற சத்துகள் இருக்கிறது.

பச்சை முட்டை குடிக்கலாமா:

நம் முன்னோர்கள் முட்டையை வேக வைக்காமல் பச்சையாகக் குடிப்பது நல்லது என்று இன்று வரையும் நம்பப்படுகிறது. இதனால் தான் பூப்படைந்த பெண்கள், இளம்பெண்கள், தடகள வீரர்கள், உடலுக்கு வலு தரும் உடற்பயிற்சி செய்பவர்கள், விளையாட்டு வீரர்கள், பளு தூக்குபவர்கள் போன்றவர்கள் காலையில் தினமும் பச்சை முட்டையைக் குடித்து வந்தார்கள்.

சமைத்த முட்டையைவிட பச்சை முட்டையில் புரோட்டின் அதிகம் இருக்கிறது, ஆனால் சமைத்த முட்டையை உட்கொள்ளும்போது புரோட்டீன் 90% உடலுக்குச் சேரும். அதுவே பச்சை முட்டையை உட்கொள்ளும்போது 50% மட்டும் தான் உடலுக்குச் சேரும் என்று ஆய்வின் முடிவில் கூறியுள்ளார்கள்.

முட்டையில் சால்மோனெல்லா என்ற பாக்ட்ரியா கிருமி இருக்கிறது. இவை சமைத்து சாப்பிடும்போது அழிந்து விடும். அதுவே நீங்கள் பச்சையாகச் சாப்பிடும்போது வயிற்றுப்போக்கு, வாந்தி, டைபாய்டு போன்ற நோய் தொற்றுகள் ஏற்படும். குறிப்பாகக் குழந்தைகள், கர்ப்பிணி பெண்கள், நோய் எதிர்ப்புச் சக்தி குறைவாக உள்ளவர்கள், வயதானவர்கள் போன்றோர் பச்சை முட்டையைக் குடிப்பதை தவிர்க்க வேண்டும்.

முட்டையை 74 டிகிரி செல்சியஸ் வெப்பநிலையில் சமைத்து சாப்பிடும் போழுது சால்மோனெல்லா பாக்ட்ரியா அழிந்து விடும். சமைத்த முட்டையைச் சாப்பிட்டாலும், பச்சை முட்டையைக் குடித்தாலும் சத்துக்கள் ஒன்று தான். ஆனால் பச்சை முட்டையைக் குடிக்கும்பொழுது மேல் கூறப்பட்டுள்ள உடல் பிரச்சனைகள் ஏற்படும்.