Saif Ali Khan: बॉलिवूड स्टार सैफ अली खानवर गुरुवारी चाकूने हल्ला करण्यात आला होता, त्यामुळे त्याच्या शरीरावर गंभीर जखमा झाल्या होत्या. आता बॉलिवूडची ड्रामा क्वीन म्हणून ओळखल्या जाणाऱ्या राखी सावंतने यावर प्रतिक्रिया देत प्रश्न उपस्थित केले आहेत. या प्रकरणात तिने सैफ अली खानच्या इमारत व्यवस्थापनाला जबाबदार धरले आहे. राखीने सोशल मीडियावर व्हायरल होणाऱ्या व्हिडिओत प्रश्न उपस्थित केले आहेत की, हाय प्रोफाइल इमारतींमध्ये सुरक्षेचा अभाव कसा दिसून येत आहे.

हल्ल्यामुळे ला मुंबईतील लीलावती रुग्णालयात दाखल करण्यात आले. सध्या त्याची प्रकृती ठीक आहे. या हल्ल्याबद्दल राखी म्हणाली, “अरे देवा, ही खूप वाईट बातमी आहे. माझ्या स्ट्रगलिंगच्या सुरुवातीच्या काळात, मी राकेश रोशनच्या चित्रपटात सैफ अली खानसोबत एका गाण्यात काम केले होते. सैफचा इतका मोठा अपघात होऊ शकतो, ही मी स्वप्नातही कधी कल्पना केली नव्हती.

या इमारतीतील लोक काय करतात ?

यासोबतचने इमारतीच्या मालकावर प्रश्न उपस्थित केला आणि म्हणाली की हे इमारतीचे लोक काय करतात? तुम्ही दरमहा इतके पैसे आकारता आणि सीसीटीव्ही कॅमेराही बसवू शकत नाही? सुरक्षा व्यवस्था असूनही सैफवर हल्ला कसा झाला? २०२५ ची अशी वाईट सुरुवात का झाली. गुरुवारी म्हणजेच १६ जानेवारी रोजी सैफ अली खानवर चाकूने हल्ला करण्यात आला. १६ जानेवारी रोजी पहाटे २:३० वाजता एका घुसखोर सैफच्या वांद्रे येथील ११ व्या मजल्यावरील फ्लॅटमध्ये घुसला आणि त्याने हा हल्ला केला.

२.५ इंच लांब चाकू काढला

मिळालेल्या माहितीनुसार, घुसखोर अभिनेत्याच्या घरात घुसला तेव्हा त्याने त्याच्या मोलकरणीशी वाद घालण्यास सुरुवात केली. दरम्यान, जेव्हा सैफने सर्व काही शांत करण्याचा प्रयत्न केला तेव्हा त्याचे रूपांतर हाणामारीत झाले. त्यानंतर घुसखोराने सैफवर चाकूने हल्ला केला. सैफला ऑटोने रुग्णालयात नेण्यात आले, जिथे त्याच्यावर शस्त्रक्रिया करण्यात आली, ज्यामध्ये त्याच्या मणक्यातून २.५ इंच लांब चाकू काढण्यात आला. सध्या, अभिनेता धोक्याबाहेर आहे, परंतु तो अजूनही डॉक्टरांच्या निरीक्षणाखाली आहे.