मुंबई : बाजाराशी संबधीत अनेक घडामोडी, विविध बातम्या आणि तिसऱ्या तिमाहीच्या निकालांमुळे अल्ट्राटेक, अदानी ग्रीन, डॉ. रेड्डीज, हिंदुस्तान युनिलिव्हर, बीपीसीएल, एअरटेल, गो डिजिट, पारस डिफेन्स, पारस डिफेन्स यासारख्या शेअर्सवर गुंतवणूकदारांचे लक्ष असेल. आज या कंपन्या जारी करणार तिमाही निकालअल्ट्राटेक, अदानी ग्रीन आणि डॉ. रेड्डीज या कंपन्या आज चालू आर्थिक वर्षाच्या तिसऱ्या तिमाहीचे म्हणजेच ऑक्टोबर ते डिसेंबर तिमाहीचे निकाल जाहीर करणार आहेत. त्यामुळे या कंपन्यांच्या शेअर्सवर गुंतवणूकदारांचे लक्ष असेल. हिंदुस्तान युनिलिव्हरएफएमसीजी क्षेत्रातील प्रमुख हिंदुस्तान युनिलिव्हर लिमिटेड (एचयूएल) चा नफा तज्ज्ञांच्या अंदाजांपेक्षा जास्त नोंदवला गेला आहे. तिसऱ्या तिमाहीत कंपनीचा नफा १९ टक्क्यांनी वाढून ३,००१ कोटी रुपयांवर पोहोचला आहे. बीपीसीएलभारत पेट्रोलियम कॉर्पोरेशन (बीपीसीएल) ने डिसेंबर तिमाहीत नफ्यामध्ये २० टक्क्यांची वाढ नोंदवली आहे. जी मागील वर्षीच्या ३,१८१ कोटी रुपयांच्या तुलनेत ३,८०६ कोटी रुपयांवर पोहोचली आहे. एअरटेलदूरसंचार नियामक प्राधिकरण (ट्राय) ने जारी केलेल्या निर्देशांनंतर दूरसंचार प्रदाता भारती एअरटेलने व्हॉइस आणि एसएमएस-केवळ प्रीपेड योजना सादर केल्या आहेत. गो डिजिटगो डिजिटचा तिसऱ्या तिमाहीचा नफा २.८ पटीने वाढून ११९ कोटी रुपये झाला आहे, तर एकूण लेखी प्रीमियम १० टक्क्यांच्या वार्षिक वाढीसह २,६७७ कोटी रुपये झाला आहे. पारस डिफेन्सनवी मुंबईत प्रस्तावित 'ऑप्टिक्स पार्क' प्रकल्पासाठी पारस डिफेन्सने महाराष्ट्र सरकारसोबत सामंजस्य करार केला आहे. कंपनी १० वर्षांत ऑप्टिक्स पार्कमध्ये सुमारे १२,००० कोटी रुपये गुंतवेल.