दूध गरम केल्यानंतरही अनेकदा ते फाटते किंवा नासते. अशावेळी बऱ्याचदा लोक फाटलेल्या दुधापासून पनीर बनवतात. तर काही लोक दूध फेकून देतात. जर तुम्हीदेखील फाटलेले किंवा नासलेले दूध फेकून देत असाल तर असं करू नका. खरंतर फाटलेल्या दुधाप्रमाणेच त्याच्यात असलेल्या पाण्याचाही पुनर्वापर होऊ शकतो. फाटलेल्या दुधापासून विविध पदार्थ तर बनवता येतातच पण याचे आरोग्याच्या दृष्टीनेही अनेक फायदे आहेत. आजच्या बिझी लाइफस्टाइलमुळे अनेकांना लठ्ठपणा, मधुमेह , कमकुवत रोगप्रतिकारशक्ती अशा अनेक समस्यांना सामोरे जावे लागत आहे. फाटलेल्या दुधात बऱ्याच प्रमाणात प्रोटीन्स असतात. तसेच हे दूध पौष्टिक असते. दूध आणि त्यातील पाण्याने आपल्या मांसपेशी मजबूत होतात. रोगप्रतिकारशक्ती सुधारते. जे दूध फेकून देण्याचा विचार केला जातो त्याचे अनेक आश्चर्यकारक फायदे आहेत.
जाणून घेऊयात फाटलेल्या दूधाच्या याच फायद्यांविषयी.
फाटलेल्या दुधाच्या पाण्यात प्रोटीन्सचे प्रमाण भरपूर तर असतेच सोबत यात कॅलरीही कमी असतात. त्यामुळेच वेट लॉससाठी हे परफेक्ट ड्रिंक आहे. तुम्ही याचा उपयोग वर्कआऊट ड्रिंक म्हणून नियमित करू शकता. याचे सेवन केल्याने दीर्घकाळासाठी आपल्याला भूक लागत नाही.
आंघोळीच्या पाण्यामध्ये फाटलेल्या दुधाचे पाणी मिसळल्याने त्वचा अधिकच मुलायम आणि ग्लोइंग बनते. खरंतर या पाण्यामध्ये मायक्रो बीएल गुणधर्म असतात जे त्वचा आणि केसांच्या पीएच लेव्हलला नियंत्रित ठेवण्याचं काम करतात. फाटलेल्या दुधाचे पाणी चेहऱ्यावर लावल्यास मुरुमांची समस्याही दूर होते.
फाटलेल्या दुधाचे पाणी रक्तातील साखरही कंट्रोलमध्ये ठेवण्यास मदत करते. असं म्हटलं जातं की हे पाणी म्हणजे हाय ग्लायसेमिक इंडेक्स रिच फूड आहे. जे रक्तातील साखर एकदम वाढण्यापासून शरीराला थांबवते. याव्यतिरिक्त फाटलेल्या दुधाचे पाणी इन्सुलिन प्रोडक्शन वाढवून ब्लड शुगर लेव्हल कंट्रोल करण्याचे काम करते.
रोगप्रतिकारशक्ती वाढवण्यासाठी फाटलेल्या दुधाच्या पाण्याचा वापर केला जाऊ शकतो. यात प्रोटीन्स सोबतच अन्य पोषक तत्त्वेही असतात जी रोगप्रतिकारशक्ती वाढवण्याचे काम करतात.
मांसपेशी मजबूत बनवण्यासाठी प्रोटीन रिच फूडचा खूप मोठा हात असतो. फाटलेल्या दुधाच्या पाण्यात प्रोटीनचे प्रमाण अधिक असते. ज्याच्या मदतीने मांसपेशी मजबूत केल्या जाऊ शकतात. दुधाच्या पाण्याच्या सेवनाने मांसपेशींना ताकद मिळते. जर तुम्ही जिमला जात असाल किंवा शरीर सुदृढ करण्यासाठी एखादा डायट प्लान फॉलो करत असाल तर फाटलेल्य दुधाच्या पाण्याचा समावेश तुम्ही तुमच्या डायट प्लानमध्ये करू शकता. तुम्ही हे पाणी ज्यूसमध्ये मिसळूनही पिऊ शकता.
तुम्ही हे पाणी थेट पिऊ शकता.
ज्यूस किंवा सूप तयार करण्याकरताही फाटलेल्या दुधाच्या पाण्याचा वापर केला जाऊ शकतो.
तांदूळ शिजवण्याकरता किंवा पोळ्या अधिक मऊ बनण्यासाठी कणीक मळताना या पाण्याचा वापर करू शकता.
ग्रेवी असणारी भाजी बनवण्याकरताही फाटलेल्या दुधाचा वापर होऊ शकतो.
हेही वाचा : Beauty Tips : साडीवर या पारंपरिक हेअरस्टाइल्स दिसतील क्लासी
संपादित – तनवी गुडे
