Ajinkya Rahane Half Century in Ranji Trophy 20250: मागच्या सामन्यात पराभव पत्कारल्यानंतर ने सातव्या फेरीच्या सामन्यात दमदार पुनरागमन केले आहे. शार्दुल ठारकूरच्या ४ व मोहित अवस्थीच्या ३ विकेट्सचच्या मदतीने मुंबईने मेघालयाचा डाव अवघ्या ८६ धावांवर गुंडाळल्यानंतर फलंदाजांही संघाला मोठ्या आघाडीच्या दिशेने घेऊन जात आहे. मुंबईचा कर्णधार व सिद्धेश लाडने दमदार अर्धशतक ठोकले आहे. दोघांच्या अर्धशतच्या मदतीने मुंबईची धाव संख्या १५० पार गेली असून सामन्यात ८५ धावांची आघडी घेतली आहे.

मुंबईने सुरूवातीपासूनच सामन्यात वर्चस्व ठेवले. प्रथम गोलंदाजी करताना मुंबईने पहिल्या सत्रात मेघालयाचा संघ तंबूत पाठवला. शार्दूल ठाकूरने त्याच्या दुसऱ्या षटकात हॅटट्रिक घेऊन मेघालयची अवस्था ६ बाद २ धावा अशी केली. त्यानंतर त्याला मोहित अवस्थीची साथ मिळाली. सिल्व्हेस्टर डिसूझाने २ विकेट्स व शम्स मुलानीने १ विकेटचे योगदान दिले. मेघालयाच्या लोवर ऑर्डरमधील फलंदाजांनी धावा उभारण्याचा प्रयत्न केला. पण मुंबईकरांनी घरच्या मैदानावर त्यांना यशस्वी होऊ दिलं नाही.

प्रत्युत्तरात उतरलेल्या मुंबईचे सुरूवातीचे दोन विकेट्स स्वस्तात गेले. ज्यामध्ये आयुष म्हात्रे अवघ्या ५ धावांवर माघारी परतला. तर भटकलही २८ धावांवर परतावे लागले. त्यानंतर तिसरा फलंदाज सिद्धेश लाड व कर्णधार अजिंक्य रहाणे यांनी दमदार फलंदाजी केली. दोघांनी १३९ धावांची नाबाद भागीदारी केली आहे. दरम्यान दोघांनीही आपले अर्धशतक पूर्ण केले.

सिद्धेश लाड १० चौकार, १ षटकारासह १३६ चेंडूत ७८ धावांवर खेळत आहे. तर कर्णधार अजिंक्य रहाणे ९ चौकारांसह ११८ चेंडूत ६६ धावांवर खेळत आहे. मुंबईने ५० षटकाअंती २ बाद १८२ धावा करत सामन्यात ९४ धावांची आघाडी घेतली आहे.

मुंबई मेघालया सामना सुरू होण्यापूर्वी रोहितने नेट्समध्ये पांढऱ्या चेंडूसह कसून सराव केला. रोहित रणजी ट्रॉफीच्या सहाव्या फेरीच्या सामन्यात मुंबई संघात सहभागी झाला होता. पण त्याला यश आले नाही. त्यामुळे रोहित आता सातव्या सामना न खेळता इंग्लंडविरूद्ध वन-डे मालिका व चॅम्पियन्स ट्रॉफीच्या तयारीला लागला आहे.