Mumbai vs Meghalaya Match Live in Ranji Trophy 2025: ने ( Shardul Thakur) पुन्हा एकदा दमदार कामगिरी करून दाखवताना निवड समितीला चपकार दिली आहे. मेघालयविरुद्धच्या लढतीत पहिल्या डावात हॅटट्रिक घेणाऱ्या शार्दूलने मुंबईला फलंदाजीतही मदत केली. त्याने ४२ चेंडूंत ९ चौकार व ५ षटकारांच्या मदतीने ८४ धावांची खेळी केली. त्याला शतकाने थोडक्यात हुकलावणी दिली.कडून सिद्धेश लाड, आकाश आनंद व शाम्स मुलानी यांनी शतकं झळकावली, तर कर्णधार अजिंक्य रहाणेचे शतक अवघ्या ४ धावांनी हुकले. मेघालय संघाच्या पहिल्या डावाच्या ८६ धावांच्या प्रत्युत्तरात मुंबईने दुसऱ्या दिवशी ७ बाद ६७१ धावांवर डाव घोषित केला. मेघालयला दुसऱ्या डावात शार्दूलने २७ धावांत २ धक्केही दिले.

पहिल्या डावात शार्दूलच्या ४, मोहित अवस्थीच्या ३, सिलव्हेस्टर डिसुजाच्या २ आणि शाम्स मुलानीच्या १ विकेटमुळे मेघालयचा संघ ८६ धावांवर तंबूत परतला.प्रत्युत्तरात मुंबईची सुरुवात काही चांगली झाली नाहीस, परंतु सिद्धेश लाड व अजिंक्य रहाणे यांनी तिसऱ्या विकेटसाठी ३२७ चेंडूंत १९६ धावांची भागीदारी केली अजिंक्य १७७ चेंडूंत ११ चौकार व १ षटकारासह ९६ धावांवर बाद झाला.सिद्धेशने २५० चेंडूंत १७ चौकार व १ षटकारासह १४५ धावांची खेळी केली.

यष्टिरक्षक आकाशनेही १५१ चेंडूंत १५ चौकारांच्या मदतीने १०३ धावा केल्या. त्यानंतर सूर्यांश शेडगे ७१ चेंडूंत ६१ धावांवर त्रिफळाचीत झाला.शाम्स व शार्दूल यांची जोडी चांगलीच जमली आणि दोघांनी ९९ चेंडूतं १५६ धावा झोडल्या. शार्दूलने ४२ चेंडूंत ८४ धावा केल्या आणि त्यात ९ चौकार व ५ षटकारांचा समावेश होता.

शाम्सने ८६ चेंडूंत १६ चौकारांच्या मदतीने त्याचे शतक पूर्ण केले आणि मुंबईने ७ बाद ६७१ धावांवर त्यांचा डाव घोषित केला. तनुष कोटियन २१ चेंडूंत ३४ धावांवर नाबाद राहिला. मुंबईने पहिल्या डावात ५८५ धावांची आघाडी घेतली.

मेघालयला दुसऱ्या डावात शार्दूलने धक्के दिले. त्याने पहिल्या षटकात मेघालयच्या दोन विकेट्स घेतल्या. निशांत चक्रवर्थी ( ०) पहिल्याच चेंडूवर त्रिफळाचीत झाला आणि त्यानंतर तिसऱ्या चेंडूवर त्याने हिमानला ( ०) पायचीत पकडले. अर्पित सुभाष ( ६) व किशन लिनडोह ( १६) हे खेळत आहेत आणि दुसऱ्या दिवसअखेर मेघालयच्या २ बाद २७ धावा झाल्या आहेत. त्यांना अजूनही ५५८ धावा करायच्या आहेत. शार्दूलने पहिल्या डावात ४ विकेट्स घेतल्या आहेत आणि त्यात आता दोन विकेट्सची भर झाली आहे.