இந்திய சந்தையில் மாருதி சுசுகி எர்டிகா மிகவும் பிரபலமான மாடலாகும். பட்ஜெட்-ஃப்ரெண்ட்லி குடும்ப காராக இது அறியப்படுகிறது. இந்த காரை வாங்க வேண்டும் என்று ஆசை இருக்கிறதா? ஆனால் உங்களிடம் போதுமான பணம் இல்லையா? கவலை வேண்டாம். வெறும் ஒரு லட்சம் ரூபாய் டவுன் பேமெண்ட் செலுத்தி எர்டிகாவை வாங்கலாம். EMI-யில் இந்த காரை எப்படி வாங்குவது என்று தெரிந்து கொள்வோம். 

10.78 லட்சம் ரூபாய் தான் மாருதி சுசுகி எர்டிகா CNG-யின் எக்ஸ்-ஷோரூம் விலை. நீங்கள் இந்த காரை திருவனந்தபுரத்தில் வாங்கினால், இந்த வாகனத்திற்கு RTO கட்டணமாக 1,61,700 ரூபாயும், காப்பீட்டுத் தொகையாக 51,316 ரூபாயும் செலுத்த வேண்டும். இது தவிர 10,780 ரூபாய் கூடுதல் கட்டணமும் சேர்க்கப்பட்டுள்ளது. இதனால் எர்டிகா CNG-யின் மொத்த ஆன்-ரோடு விலை சுமார் 13 லட்சம் ரூபாய்க்கு மேல் வரும்.

EMI இவ்வளவு
13 லட்சம் ரூபாய் ஆன்-ரோடு விலையில் ஒரு லட்சம் ரூபாய் டவுன் பேமெண்ட் செலுத்தினால், அதன்படி நீங்கள் 12 லட்சம் ரூபாய் வரை கார் லோன் எடுக்க வேண்டியிருக்கும். இவ்வாறு, நீங்கள் 10 சதவீத ஆண்டு வட்டி விக்தத்தில் ஒவ்வொரு மாதமும் 19,671 ரூபாய் வீதம் 60 தவணைகள் அல்லது ஐந்து வருடங்களுக்கு செலுத்த வேண்டியிருக்கும். கவனிக்கவும், வட்டி விகிதம், டவுன் பேமெண்ட் மற்றும் லோன் காலம் ஆகியவை உங்கள் கிரெடிட் ஸ்கோர் மற்றும் நீங்கள் தேர்ந்தெடுக்கும் வங்கிகளைப் பொறுத்து மாறுபடும். லோன் எடுப்பதற்கு முன்பு வங்கியின் விதிமுறைகளை நன்கு படித்துப் புரிந்து கொள்ளுங்கள். 

மாருதி சுசுகி எர்டிகாவின் மைலேஜ் மற்றும் அம்சங்கள்
எர்டிகாவின் CNG வகை ஒரு கிலோவிற்கு சுமார் 26.11 கிலோமீட்டர் மைலேஜ் தருகிறது. காரின் எஞ்சினைப் பற்றி கூற வேண்டுமானால், அது 1.5 லிட்டர் பெட்ரோல் எஞ்சினில் வருகிறது. மாருதி சுசுகி எர்டிகாவின் அம்சங்களைப் பற்றி கூறும்போது, இந்த கார் சந்தையில் சிறந்த MPV-களில் ஒன்றாக கருதப்படுகிறது. 1462 cc பெட்ரோல் எஞ்சின் இந்த 7 சீட்டர் காரில் உள்ளது. இந்த எஞ்சின் அதிகபட்சமாக 101.64 bhp சக்தியில் 136.8 Nm அதிகபட்ச டார்க்கை உருவாக்குகிறது.

மேனுவல் டிரான்ஸ்மிஷன் ஆப்ஷனும் இதற்கு கிடைக்கிறது. லிட்டருக்கு 20.51 கிலோமீட்டர் மைலேஜ் இந்த கார் தரும் என்று நிறுவனம் கூறுகிறது. பேடில் ஷிஃப்டர்கள், ஆட்டோ ஹெட்லைட்கள், ஆட்டோ ஏர் கண்டிஷன், க்ரூஸ் கண்ட்ரோல் போன்ற அம்சங்கள் இதில் உள்ளன. ஒன்பது அங்குல டச் ஸ்க்ரீன் இன்ஃபோடெயின்மென்ட் சிஸ்டம் எர்டிகாவிற்கு கிடைக்கிறது. வாய்ஸ் கமாண்ட் மற்றும் கனெக்டட் கார் தொழில்நுட்பத்தை ஆதரிக்கும் சுசுகியின் ஸ்மார்ட்பிளே ப்ரோ தொழில்நுட்பம் இதில் உள்ளது.

கனெக்டட் கார் அம்சங்களில் வாகன டிராக்கிங், டோ-அவே அலர்ட் மற்றும் டிராக்கிங், ஜியோ-ஃபென்சிங், ஓவர்-ஸ்பீடிங் அலர்ட், ரிமோட் செயல்பாடு போன்றவை அடங்கும். 360 டிகிரி சரவுண்ட் வியூ கேமரா இதில் உள்ளது. இந்தியாவில் டொயோட்டா இன்னோவா, மாருதி XL6, கியா கேரன்ஸ், மஹிந்திரா மராசோ, டொயோட்டா ரூமியன், ரெனால்ட் ட்ரைபர் போன்ற மாடல்களுடன் மாருதி சுசுகி எர்டிகா போட்டியிடுகிறது. மேலும் ஏழு சீட்டர் பிரிவில் இது மஹிந்திராவின் ஸ்கார்பியோ, போலிரோ போன்ற மாடல்களுக்கும் கடுமையான சவாலாக உள்ளது.