मुंबई : एफएमसीजी फर्म जिलेट इंडियाने १० फेब्रुवारी रोजी आर्थिक वर्ष २०२५ च्या तिसऱ्या तिमाहीचे निकाल जाहीर केले. यासोबतच कंपनीने लाभांश देखील जाहीर केला आहे. कंपनीच्या संचालक मंडळाने २०२४-२५ या आर्थिक वर्षासाठी १० दर्शनी मूल्याच्या प्रति शेअर ६५ रुपयांचा अंतरिम लाभांश मंजूर केला. आर्थिक वर्ष २०२५ च्या तिसऱ्या तिमाहीचे निकाल देखील जाहीर केले आहेत. कंपनीच्या शेअर्समध्ये ०.७४ टक्क्यांची घसरण दिसून आली. बीएसईवर हा शेअर ८८५३.४० रुपयांवर बंद झाला. कंपनीचे मार्केट कॅप २८,८४९ कोटी रुपये आहे. लाभांशाची रेकॉर्ड तारीखजिलेट इंडियाने अंतरिम लाभांशासाठी भागधारकांची पात्रता निश्चित करण्यासाठी १९ फेब्रुवारी २०२५ ही रेकॉर्ड तारीख निश्चित केली आहे. लाभांश ७ मार्च २०२५ रोजी किंवा त्यापूर्वी दिला जाईल. जिलेट इंडियाने फेब्रुवारी २०२४ मध्ये ४० रुपयांचा आणि ४५ रुपयांचा विशेष आणि अंतरिम लाभांश जाहीर केला होता. यानंतर, नोव्हेंबर २०२४ मध्ये ४५ रुपयांचाअंतिम लाभांश जाहीर करण्यात आला. मे २०१७ मध्ये कंपनीने जाहीर केलेला प्रति शेअर १५४ रुपयांचा अंतरिम लाभांश हा गेल्या आठ वर्षांतील जिलेट इंडियाने जाहीर केलेला सर्वाधिक लाभांश आहे. जिलेट इंडियाचे तिमाही निकालडिसेंबर तिमाहीत जिलेट इंडियाचा निव्वळ नफा २१.१ टक्क्यांनी वाढून १२५.९७ कोटी रुपये झाला. कंपनीला तिच्या धोरणात्मक पोर्टफोलिओमध्ये मजबूत ब्रँड फंडामेंटल्स, नावीन्यपूर्णतेबद्दल ग्राहकांचा सकारात्मक प्रतिसाद आणि उत्कृष्ट किरकोळ अंमलबजावणीचा पाठिंबा मिळाला. मागील आर्थिक वर्षाच्या याच तिमाहीत कंपनीने १०३.९५ कोटीचा निव्वळ नफा नोंदवला होता.कंपनीचा महसूल तिमाहीत ७.२ टक्क्यांनी वाढून ६८५.५५ कोटी रुपये झाला. आर्थिक वर्ष २०२४ मध्ये याच तिमाहीत महसूल ६३९.४६ कोटी रुपये होता. कंपनीचा EBITDA गेल्या वर्षीच्या १५६.८ कोटींवरून १६.६ टक्के वाढून १८२.८ कोटी रुपये झाला. मागील वर्षीच्या २४.५ टक्क्यावरून मार्जिन २६.७ टक्क्यापर्यंत वाढले.