Tata Group Stock : टाटा कॅपिटलच्या आयपीओला मंजूरीनंतर टाटा समुहाच्या या शेअर्समध्ये तुफान तेजी
ET Marathi February 25, 2025 02:45 PM
Tata Group Stock : टाटा कॅपिटलने प्राथमिक समभाग विक्रीला (IPO) मंजुरी दिल्यानंतर मंगळवारी टाटा इन्व्हेस्टमेंटच्या शेअरची किंमत ८ टक्क्यांनी वाढून ६,२२०.७५ रुपयांवर पोहोचली. नॉन-बँकिंग वित्तीय सेवा (NBFC) टाटा कॅपिटल कंपनी समूहाची होल्डिंग कंपनी, टाटा सन्सची उपकंपनी म्हणून काम करते. सध्या, टाटा इन्व्हेस्टमेंट कॉर्पोरेशन (TICL) टाटा कॅपिटलमध्ये २ टक्क्यांपेक्षा जास्त भांडवल आहे. तर त्यांची मूळ कंपनी टाटा सन्सचा या एनबीएफसीमध्ये ९३ टक्के भांडवल आहे.गेल्या पाच वर्षांत Tata Investment Corporation च्या शेअरमध्ये ५८८.१२ टक्क्यांनी पेक्षा जास्त वाढ झाली आहे. तसेच अल्पावधीत एका वर्षात शेअर १२ टक्क्यांहून अधिक घसरला आहे आणि सहा महिन्यांत २ टक्क्यांहून अधिक वाढला आहे. टाटा कॅपिटल आयपीओ तपशीलTata Capital च्या आयपीओमध्ये प्रत्येकी १० रुपयांच्या दर्शनी मूल्याचे शेअर्सचा नवीन इश्यू समाविष्ट असेल, ज्याची किंमत २३ कोटी आहे. उर्वरित ऑफरमध्ये निवडक विद्यमान आणि पात्र शेअरहोल्डर्सद्वारे विक्रीसाठी ऑफर (OFS) असेल. ओएफएसचा आकार आणि आयपीओमध्ये विक्री करणाऱ्या शेअरहोल्डरची ओळख अद्याप उघड केलेली नाही.टाटा कॅपिटलच्या फाइलिंगनुसार ओएफएस बाजारातील परिस्थिती आवश्यक मंजुरी नियामक मंजुरी आणि इतर संबंधित घटकांवर अवलंबून असेल. शिवाय टाटा कॅपिटलच्या संचालक मंडळाने विद्यमान शेअरहोल्डर्ससाठी १,५०४ कोटी राइट्स इश्यूला मान्यता दिली आहे, ज्याची रेकॉर्ड तारीख २५ फेब्रुवारी २०२५ निश्चित केली आहे.या मंजूरी अंतिम झाल्यानंतर टाटा कॅपिटल १५ महिन्यांनंतर शेअर बाजारात पदार्पण करणारी टाटा समुहाची कंपनी असेल. टाटा समुहाच्या कंपनीचा मागील शेवटचा आयपीओ टाटा टेक्नॉलॉजीज होता, जो नोव्हेंबर २०२३ मध्ये आला होता. Tata Technologies च्या आयपीओपूर्वी थेट दोन दशकांपूर्वी टीसीएसचा आयपीओ बाजारात आला होता.अलीकडेच, रिझर्व्ह बँक ऑफ इंडिया (RBI) ने २०२४-२०२५ साठी टाटा कॅपिटलला उच्च-स्तरीय नॉन-बँकिंग फायनान्शियल कंपनी (NBFC) म्हणून वर्गीकृत केले आहे. RBI नियमांचे पालन करण्यासाठी, कंपनीला सप्टेंबर २०२५ पर्यंत सार्वजनिक करणे आवश्यक आहे.
© Copyright @2025 LIDEA. All Rights Reserved.