Multibagger Stocks : गेल्या वर्षभरात शेअर बाजारातील गुंतवणूकदारांना चांगला नफा मिळवणं हे अवघड गेलंय तरी असे अनेक शेअर्स आहेत. ज्यांनी गेल्या वर्षभरात गुंतवणूकदारांना लाखोंचा परतावा दिला आहे. आयटी क्षेत्रातील असाच एक शेअर म्हणजे व्ह्यूनाऊ इन्फ्राटेक होय. या शेअरने गुंतवणूकदारांना फक्त एका वर्षात २००० टक्क्यांहून अधिक परतावा असून तो ६ रुपयांच्या पातळीवरून १३० रुपयांच्या पातळीवर पोहोचला आहे. व्ह्यूनाऊ इन्फ्राटेक ही एक आयटी इन्फ्रास्ट्रक्चर अ‍ॅज अ सर्व्हिस (ITaaS) प्रदाता कंपनी आहे. कंपनी क्लाउड-सक्षम एज डेटा सेंटर्सच्या डिझाइन, बांधकाम आणि ऑपरेशनमध्ये विशेषज्ञ आहे. कंपनी को - लोकेशन आणि नेटवर्क व्यवस्थापन सेवा देखील प्रदान करते.४ मार्च २०२४ रोजी बीएसई वर शेअरची किंमत ६.०४ रुपये होती. २८ फेब्रुवारी २०२५ रोजी बीएसई वर हा शेअर १२९.३७ रुपयांवर बंद झाला. म्हणजेच एका वर्षात २०४१.८८ टक्के परतावा. जर एखाद्या गुंतवणूकदारने वर्षभरापूर्वी शेअर्समध्ये ५०,००० रुपये गुंतवले असतील आणि अद्याप ते शेअर्स विकले नसतील, तर त्याची गुंतवणूक १० लाख रुपयांपेक्षा जास्त झाली असती. त्याचप्रमाणे १ लाख रुपये २१ लाख रुपयांपेक्षा जास्त झाले असते. व्ह्यूनाऊ इन्फ्राटेकच्या शेअर्समध्ये एका महिन्यात ६३ टक्क्यांनी वाढVuenow Infratech चे शेअर्स फक्त १ महिन्यात ६३ टक्क्यांनी मजबूत झाले आहेत. कंपनीचे बाजार भांडवल ३०० कोटी रुपये आहे. २८ ऑक्टोबर २०२४ रोजी या शेअरची किंमत बीएसईवर १९६.९५ रुपयांवर म्हणजेच ५२ आठवड्यांच्या उच्चांकावर होती. तसेच शेअरचा ५२ आठवड्यांचा नीचांक ६.०४ रुपये आहे. डिसेंबर तिमाहीचे निकाल ८ मार्च रोजी जाहीर करणारडिसेंबर २०२४ च्या अखेरीस व्ह्यूनाऊ इन्फ्राटेकमध्ये प्रवर्तकांचे ३६.७० टक्के भागभांडवल होते. कंपनी ऑक्टोबर-डिसेंबर २०२४ तिमाहीचे आर्थिक निकाल ८ मार्च २०२५ रोजी जाहीर करणार आहे. यापूर्वी यासाठीची संचालक मंडळाची बैठक १४ जानेवारी रोजी होणार होती, परंतु नंतर ती २५ फेब्रुवारी आणि नंतर ८ मार्च रोजी पुन्हा आयोजित करण्यात आली.