मुंबई : राष्ट्रीय शेअर बाजाराने (NSE) सर्व फ्युचर्स अँड ऑप्शन्स (F&O) करारांचा एक्स्पायरी दिवस बदलण्याची घोषणा केली आहे. एनएसई ने मंगळवारी 4 मार्च रोजी सांगितले की सर्व निफ्टी इंडेक्स साप्ताहिक फ्युचर्स अँड ऑप्शन्स करार आता गुरुवार ऐवजी सोमवारी संपतील. पुढील महिन्यात ४ एप्रिलपासून हे नवे नियम लागू होतील.एनएसईने सांगितले की निफ्टीची सर्व मासिक एक्स्पायरी पुढील महिन्यापासून गुरुवारऐवजी सोमवारी होईल. या निर्णयानुसार, 4 एप्रिलपासून एनएसईच्या बँक निफ्टी, फिन निफ्टी, निफ्टी मिडकॅप सिलेक्ट आणि निफ्टी नेक्स्ट-50 ची मुदतही गुरुवारऐवजी सोमवारी होईल.निफ्टी 50 ची साप्ताहिक आणि मासिक एक्स्पायरी 4 एप्रिलपासून गुरुवारऐवजी सोमवारी होईल. एनएसईने सांगितले की, हे सर्व बदल 04 एप्रिल 2025 पासून लागू होतील. म्हणजेच, सर्व विद्यमान करारांसाठी एक्स्पायरी दिवस 3 एप्रिल 2025 (EOD) नवीन समाप्ती दिवस म्हणून सुधारित केला जाईल. सर्व शेअर्सचे मासिक करार देखील एक्स्पायरी महिन्याच्या शेवटच्या सोमवारी संपतील. 14 एप्रिल 2025 रोजी शेअर बाजाराच्या सुट्टीमुळे सुधारित मुदत संपण्याचा दिवस 11 एप्रिल आहे.याआधी सेन्सेक्सची साप्ताहिक एक्स्पायरी शुक्रवारी आणि निफ्टीची साप्ताहिक एक्सपायरी गुरुवारी होते. पण आता सेन्सेक्सची साप्ताहिक आणि मासिक एक्स्पायरी मंगळवारी आहे. मात्र, पुढील महिन्यात 4 एप्रिलपासून दोघांची मुदत पुन्हा एका दिवसाच्या फरकाने होणार आहे. सेन्सेक्सच्या बँकेक्सची मासिक एक्स्पायरीही मंगळवारी होते.मंगळवारी निफ्टी सलग 10 व्या दिवशी घसरला आणि 22,082 च्या पातळीवर बंद झाला. निफ्टी 36 अंकांनी घसरला. त्याचवेळी सेन्सेक्स 96 अंकांनी घसरून 72,990 च्या पातळीवर पोहोचला आहे. ऑटो आणि आयटी सेअर्स सर्वाधिक घसरले.