Bihar Goons Hurl Bombs in School : महाराष्ट्रात गुन्हेगारी प्रचंड वाढल्यानं आपण राज्याची तुलना सहजपणे बिहारशी करतो. पण खरंच बिहार असा आहे का? तर हो असं दुर्देवानं म्हणावं लागेल. कारण तशी एक लाजीरवाणी घटना नुकतीच समोर आली आहे. यामध्ये काही गुंडांनी दिवसाढवळ्या एका खासगी शाळेत बॉम्ब फेकले, दगडफेक केली तसंत तोडफोडही केली. यामुळं या शाळा प्रशासनासह विद्यार्थी आणि पालकांमध्ये दहशतीचं वातावरण आहे. या घटनेचा एक व्हिडिओ देखील समोर आला आहे.

वैशाली जिल्ह्यातील हाजीपूर शहरातील हा व्हिडिओ असून यामध्ये काही गुंड प्रवृत्तीचे लोक एका खासगी शाळेबाहेर जमले आहेत. या लोकांच्या हातात बॉम्ब, दगड आणि दांडकी दिसत आहेत. यातील एका व्यक्तीनं बाहेरुन शाळेच्या गेटच्या आतमध्ये बॉम्ब फेकले. तसंच एकानं बाहेर रस्त्यावर बॉम्ब फेकल्यानं त्याचा स्फोट होऊन सर्वत्र धूर पसरला होता. तसंच काहीजण शाळेच्या आवारात दगड फेकत आहेत तर काही काठ्यांनी तोडफोडही करताना दिसत आहेत. या घटनेनंतर शाळा प्रशासनानं पोलिसांशी संपर्क साधला आणि तक्रार दाखल केली. ही संपूर्ण घटना सीसीटीव्ही कॅमेऱॅत कैद झाली आहे.