Gold Rate : सोन्याच्या किंमती दररोज नवीन विक्रम करीत आहे. बुधवारी, १९ मार्च रोजी देशाची राजधानी दिल्लीतील सराफा बाजारात सोन्याचा भाव ७०० रुपयांनी वाढून ९१,९५० रुपये प्रति १० ग्रॅम या नवीन उच्चांकावर पोहोचला. चांदीचा भावही १,००० रुपयांनी वाढून १,०३,५०० रुपये प्रति किलोवर पोहोचला. आंतरराष्ट्रीय घडामोडींव्यतिरीक्त, ज्वेलर्सकडून वाढलेली खरेदी आणि जागतिक बाजारपेठेत किमती मजबूत झाल्यामुळे देखील ही वाढ झाली आहे. भू-राजकीय तणावाचा परिणामगाझामध्ये इस्रायल आणि पॅलेस्टाईनमधील वाढत्या तणावामुळे आणि अमेरिकेतील संभाव्य आर्थिक मंदीशी संबंधित चिंतेमुळे, गुंतवणूकदार गुंतवणुकीसाठी सुरक्षित गुंतवणूक पर्यायांकडे लक्ष वळवत आहेत. यामुळे सोन्याच्या किमतींना आधार मिळाला आहे. ९९.९ टक्के शुद्धता असलेल्या सोन्याचा भाव प्रति १० ग्रॅम ९१,९५० रुपयांवर पोहोचला, तर ९९.५ टक्के शुद्धता असलेल्या सोन्याचा भावही प्रति १० ग्रॅम ९१,५०० रुपयांवर पोहोचला. फ्युचर्स ट्रेडिंग आणि आंतरराष्ट्रीय बाजारपेठांची स्थितीवायदा बाजारातही सोन्याच्या किमती मजबूत झाल्या. एप्रिल डिलिव्हरीसाठी सोन्याचा भाव १९ रुपयांनी वाढून ८८,७४५ रुपये प्रति १० ग्रॅम झाला. दिवसाच्या सुरुवातीच्या सत्रात त्याने ८९,००० रुपयांची मानसिक पातळी ओलांडली होती. आंतरराष्ट्रीय बाजारातही सोन्याच्या किमतीत वाढ दिसून आली. सोन्याचा स्पॉट भाव ०.१५ टक्क्यांनी वाढून प्रति औंस ३,०३९.२२ डॉलरवर पोहोचला. व्यापारादरम्यान ते प्रति औंस ३,०४५.३९ डॉलरच्या विक्रमी पातळीवर पोहोचले. आशियाई बाजारात सोन्याच्या वायदा कराराने प्रति औंस ३,०५२.३१ डॉलर या नवीन उच्चांकी पातळीला स्पर्श केला. तज्ज्ञांचे मत काय?एलकेपी सिक्युरिटीजचे व्हीपी रिसर्च अ‍ॅनालिस्ट (कमोडिटी अँड करन्सी) जतीन त्रिवेदी म्हणाले, 'सोन्याच्या किमती मोठ्या प्रमाणात तेजीत आहेत परंतु यूएस फेडरल रिझर्व्ह पॉलिसी आणि स्टेटमेंट्सच्या आधी एका मर्यादित श्रेणीत व्यवहार होत आहेत.'अबन्स फायनान्शियल सर्व्हिसेसचे सीईओ चिंतन मेहता म्हणाले, "आखाती देशांमध्ये वाढत्या तणावामुळे आणि अमेरिका-चीन व्यापार युद्धाच्या शक्यतेमुळे जागतिक स्तरावर कोविड-१९ महामारीच्या काळात दिसून आलेल्या अस्थिरतेसारखीच अस्थिरता निर्माण झाली आहे, त्यामुळे सुरक्षित गुंतवणूक म्हणून सोन्याच्या किमती विक्रमी उच्चांकावर पोहोचल्या आहेत. या अस्थिरतेमुळे, जगभरातील मध्यवर्ती बँका त्यांच्या परकीय चलन साठ्यात अमेरिकन डॉलरऐवजी सोने जमा करत आहेत."एचडीएफसी सिक्युरिटीजचे वरिष्ठ विश्लेषक (कमोडिटीज) सौमिल गांधी म्हणाले, "यूएस फेडरल रिझर्व्ह बैठकीच्या निकालांवर व्यापारी बारकाईने लक्ष ठेवून आहेत. फेडचे अध्यक्ष जेरोम पॉवेल यांची पत्रकार परिषद आणि आर्थिक अंदाज सोन्याची भविष्यातील दिशा ठरवू शकतात." सोन्याचा दर किती वाढू शकते?पीटीआयच्या मते, कमोडिटी बाजारातील तज्ज्ञांचा असा विश्वास आहे की जर जागतिक स्तरावर भू-राजकीय तणाव, चलनवाढीचा दबाव आणि मध्यवर्ती बँकांकडून मागणी यासारखे घटक असेच राहिले तर २०२५ च्या अखेरीस सोन्याचा भाव प्रति औंस ४,००० डॉलर्सपर्यंत पोहोचू शकतो. तसेच, जर वर्षाच्या अखेरीस आर्थिक परिस्थिती सुधारली तर सोन्याबाबत बाजारातील भावना बदलू शकते.