रॉयल चॅलेंजर्स बंगळुरुने रजत पाटीदार याच्या नेतृत्वात सलग दुसरा विजय मिळवला आहे.आरसीबीने आयपीएलच्या 18 व्या मोसमातील 8 व्या सामन्यात होम टीम चेन्नई सुपर किंग्सचा एमए चिदंबरम स्टेडियममध्ये 50 धावांनी धुव्वा उडवला आहे. आरसीबीने चेन्नईला विजयासाठी 197 धावांचं आव्हान दिलं होतं. मात्र चेन्नईच्या फलंदाजांनी आरसीबीच्या गोलंदाजांसमोर गुडघे टेकले.चेन्नईला 20 ओव्हरमध्ये 8 विकेट्स गमावून 146 धावाच करता आल्या. आरसीबीने यासह अखेर अनेक वर्षांची प्रतिक्षा संपवली आणि 2008 नंतर चेन्नईत विजय मिळवला.

रॉयल चॅलेंजर्स बेंगळुरू प्लेइंग इलेव्हन : विराट कोहली, फिलिप सॉल्ट, देवदत्त पडिक्कल, रजत पाटीदार (कर्णधार), लियाम लिव्हिंगस्टोन, जितेश शर्मा (विकेटकीपर), टिम डेव्हिड, क्रुणाल पंड्या, भुवनेश्वर कुमार, जोश हेजलवुड आणि यश दयाल.

चेन्नई सुपर किंग्ज प्लेइंग ईलेव्हन : रचीन रवींद्र, ऋतुराज गायकवाड (कॅप्टन), राहुल त्रिपाठी, दीपक हुडा, सॅम कुरन, रवींद्र जडेजा, एमएस धोनी (विकेटकीपर), रविचंद्रन अश्विन, नूर अहमद, मथीशा पाथीराना आणि खलील अहमद.