NSE increases lot size : नॅशनल स्टॉक एक्सचेंज (NSE) ने बँक निफ्टी आणि निफ्टी मिडकॅप सिलेक्ट या दोन प्रमुख निर्देशांकांवरील डेरिव्हेटिव्ह कॉन्ट्रॅक्ट्ससाठी लॉट साईजमध्ये बदल केला आहे, ज्यामुळे कॉन्ट्रॅक्ट्सची लॉटसाइज अनुक्रमे ३५ आणि १४० पर्यंत वाढली आहे. २५ एप्रिल २०२५ पासून सुरू झालेल्या सर्व नवीन कॉन्ट्रॅक्ट्ससाठी हे बदल लागू असतील, असे एनएसईने एका परिपत्रकात म्हटले आहे.नवीन परिपत्रकात, निफ्टी बँकेची विद्यमान लॉट साईज ३० वरून ३५ करण्यात आली आहे. तसेच, निफ्टी मिड सिलेक्टची एफ अँड ओ लॉट साईज १४० पर्यंत वाढविण्यात आली आहे, जी पूर्वी १२० होती. याशिवाय, एनएसईने इतर कोणत्याही निर्देशांकाच्या डेरिव्हेटिव्ह कॉन्ट्रॅक्टमध्ये कोणतेही बदल केलेले नाहीत.निफ्टी ५० एफ अँड ओ कॉन्ट्रॅक्ट्सचा लॉट साईज ७५ वर कायम आहे. याशिवाय, निफ्टी फायनान्शियल सर्व्हिसेसचा लॉट साईज ६५ वर आणि निफ्टी नेक्स्ट ५० चा लॉट साईज २५ वर कायम ठेवण्यात आला आहे. बदल कधी लागू होईल?निफ्टी बँक आणि निफ्टी मिड सिलेक्ट इंडेक्सच्या डेरिव्हेटिव्ह्ज कॉन्ट्रॅक्ट्समध्ये २४ एप्रिल २०२५, २९ मे २०२५ आणि २६ जून २०२५ रोजीच्या मासिक एक्सपायरीच्या कॉन्ट्रॅक्ट्समध्ये कोणतेही बदल होणार नाहीत. उलट, ते ३१ जुलै रोजीच्या मासिक एक्सपायरीच्या कॉन्ट्रॅक्ट्सपासून प्रभावी होतील.यापूर्वी, एनएसईने निफ्टी, बँक निफ्टीसह सर्व निर्देशांकांची एक्सपायरी महिन्याच्या शेवटच्या सोमवारी करण्याचा निर्णय घेतला होता. एनएसईने जारी केलेल्या परिपत्रकात असे म्हटले आहे की निफ्टी, बँक निफ्टी, फिनिफ्टी, निफ्टी मिडकॅप सिलेक्ट आणि निफ्टी नेक्स्ट ५० चे एफ अँड ओ करार दर महिन्याच्या शेवटच्या सोमवारी संपतील.परंतु सिक्युरिटीज अँड एक्सचेंज बोर्ड ऑफ इंडिया (SEBI) च्या आदेशानंतर, हे परिपत्रक सध्यासाठी स्थगित करण्यात आले आहे. सेबीच्या आदेशात म्हटले आहे की सर्व डेरिव्हेटिव्ह्ज करारांची मुदत मंगळवार किंवा गुरुवारी होऊ शकते. डेरिव्हेटिव्ह्ज विभागात अधिक बाजार हिस्सा मिळविण्यासाठी एक्सचेंजेस एक्सपायरी बदलत असताना सेबीकडून हा आदेश देण्यात आला.