पती-पत्नीच्या नात्यात चढ-उतार येत असतात. कधी दोघांमध्ये एकमेकांवर असलेले जीवापाड प्रेम दिसतं तर कधी संघर्ष दिसतो. नात्यात एकमेंकाना वेळ दिला, मान-सम्नान दिला की, नाते दिर्घकाळ टिकते. एकदरंच, नाते टिकवण्यासाठी दोघांकडून प्रयत्न असणे आवश्यक आहे, हे सुद्धा महत्त्वाचे आहे. कारण नात्यातील गैरसमज आणि काही क्षुल्लक गोष्टींमुळे दोघांमध्ये दुरावा निर्माण व्हायला वेळ लागत नाही. अशावेळी नात्यात दोघांकडून विविध गोष्टींचा समतोल राखणे आवश्यक आहे. तुमच्या नात्यात दुरावा निर्माण झालाय? काळजी करू नका. अशावेळी तुम्ही यामागील कारणे आणि सवयी ओळखून त्यावर काम करून तुमचे वैवाहिक जीवन पुन्हा मजबूत आणि आनंदी बनवू शकता. चला तर मग आजच्या लेखातून जाणून घेऊयात कोणत्या कारणांमुळे नात्यात दुरावा निर्माण होतो.

नात्यात दुरावा येण्याची कारणे –

• नात्यात एकमेकांचा आदर करणे हा नात्याचा पाया असतो. जर तुम्ही एकमेकांचा आदर करत नसाल, एकमेकांना कमीपणा दाखवत असाल तर यामुळे नात्यात दुरावा येऊ शकतो.
• एकमेकांशी खुलेपणाने न बोलणे, भावना व्यक्त न करणे, विचार न सांगणे यामुळे नात्यात गैरसमज निर्माण व्हायला वाव मिळतो. नात्यात गैरसमज निर्माण झाला की, दोघांमधील अंतर वाढू लागते.
• तुम्ही तुमच्या जोडीदारावर सतत टीका करत असाल तर अशाने जोडीदाराच्या आत्मसन्मानाला धक्का लागू शकतो, ज्यामुळे नात्यात दुरावा निर्माण होण्यास सुरूवात होते.
• अविश्वास नात्यात दुरावा निर्माण होण्याचे कारण असू शकते.
• जबाबदारी न घेणे, संसाराचा भार एकाच जोडीदाराने सांभाळणे ही कारणे सुद्धा नात्यात दुरावा निर्माण होण्याला कारणीभूत असू शकतात.
• जोडीदाराच्या कुटूंबाचा राग करणे, त्यांच्याशी वाईट वागणे यामुळे नात्यात दुरावा येऊ शकतो.
• जोडीदाराला वेळ न देणे, सतत फोनचा वापर करणे यामुळे नात्यात अंतर निर्माण होते.
• छोट्या-छोट्या गोष्टींवरून सतत चिडल्याने नात्यात अंतर निर्माण होते.
• नात्यात जर वारंवार नातेवाईकांचा हस्तक्षेप वाढत असेल किंवा नातेवाईकांच्या शब्दांना महत्त्व देण्यात येत असेल तर अविश्वास निर्माण होतो, ज्यामुळे दोघांमधील अंतर वाढतो.
• त्यामुळे तुमच्याही बाबतीत असं घडतं असेल तर वरील गोष्टी लक्षात घ्याव्यात आणि त्यावर काम करावे, जेणेकरून तुमच्यातील गैरसमज दूर होऊन तुम्हीही वैवाहिक जीवनाचा आनंद घेऊ शकाल.

हेही पाहा –