लखनऊच्या गोलंदाजांनी व क्षेत्ररक्षकांनी आधी केलेल्या चुका सुधारल्या आणि मुंबईला धावांसाठी तरसवले. तिलकचा बॅटसोबत नीट संपर्क होत नव्हता आणि त्याने २३ चेंडूंत २५ धावांवर स्वतःला रिटायर्ड हर्ट करण्याचा निर्णय घेतला ७ चेंडूंत २४ धावा असताना त्याने हा निर्णय घेतला आणि तोही मिचेल सँटनरसाठी, याचे सर्वांना आश्चर्या वाटले. हार्दिकने १६ चेंडूंत २८ धावा केल्या, परंतु मुंबईला तो विजय मिळवून देऊ शकला नाही. त्यांना ५ बाद १९१ धावांवर समाधान मानावे लागले.

सामन्यानंतर हार्दिक पांड्या म्हणाला, "हरल्यानंतर निराशा होते. जर आपण प्रामाणिकपणे सांगायचं तर, आम्ही १०-१२ धावा जास्त दिल्या आणि शेवटी आम्ही कमी पडलो.मला माझी गोलंदाजी नेहमीच आवडते. माझ्याकडे जास्त पर्याय नाहीत, पण मी खेळपट्टी वाचतो आणि हुशारीचे पर्याय वापरतो. मी कधीही विकेट्ससाठी जात नाही, पण फलंदाजांना चूक करायला लावण्याचा प्रयत्न करतो. आज असाच एक दिवस होता. फलंदाजी युनिट म्हणून आम्ही कमी पडलो. आम्ही संघ म्हणून जिंकतो, संघ म्हणून हरतो. मी पूर्ण जबाबदारी घेतो.''

तिलक वर्माच्या रिटायर्ड हर्टवर तो म्हणाला,आम्हाला काही मोठे फटके हवे होते, ते त्याला मिळत नव्हते. क्रिकेटमध्ये काही दिवस असे येतात, जेव्हा तुम्ही प्रयत्न करता पण यश येत नाहीत.