मुंबई : कंपन्यांसाठी ई-लर्निंग कंटेंट तयार करणाऱ्या इन्फोनेटिव्ह सोल्युशन्सच्या शेअर्सचे लिस्टिंग निराशाजनक राहिले. शेअर्स बीएसई एसएमई प्लॅटफॉर्मवर ६३.२० रुपयांवर सूचीबद्ध झाले. आयपीओमध्ये शेअर्सची किंमत ७९ रुपयांच्या किमतीने शेअर्स जारी करण्यात आले आहेत. त्यामुळे लिस्टिंगवर आयपीओ गुंतवणूकदारांना २० टक्क्यांचा मोठा तोटा सोसावा लागला आहे. लिस्टिंगनंतर शेअर्स आणखी घसरल्याने आयपीओ गुंतवणूकदारांना आणखी एक धक्का बसला. शेअर्स ६०.०४ रुपयांच्या लोअर सर्किटवर घसरला. म्हणजेच आयपीओ गुंतवणूकदार आता २४ टक्क्यांनी तोट्यात आहेत. ४.५३ पट भरलाइन्फोनेटिव्ह सोल्युशन्सचा २४.७१ कोटीचा आयपीओ २८ मार्च ते ३ एप्रिल या कालावधीत सबस्क्रिप्शनसाठी खुला होता. आयपीओ एकूण ४.५३ पट भरला. यामध्ये पात्र संस्थात्मक खरेदीदारांसाठी (QIB) राखीव असलेला भाग १८.५७ पट, नॉन-इन्स्टिट्यूशनल इन्व्हेस्टर्स (NII) साठीचा भाग २.१५ पट आणि किरकोळ गुंतवणूकदारांसाठीचा भाग ४.२५ पट भरण्यात आला. नवीन शेअर्स जारीया आयपीओमध्ये १ रुपये दर्शनी मूल्याचे ३१.२८ लाख नवीन शेअर्स जारी करण्यात आले आहेत. या शेअर्सद्वारे उभारलेल्या निधीपैकी ७.३५ कोटी रुपये एलएमएसमध्ये नवीन वैशिष्ट्ये जोडण्यासाठी, नवीन उत्पादने आणि अभ्यासक्रमांसाठी आणि लॅपटॉप खरेदी करण्यासाठी खर्च केले जातील. तर ५ कोटी रुपये खेळत्या भांडवलाच्या गरजांसाठी आणि उर्वरित रक्कम सामान्य कॉर्पोरेट उद्देशांसाठी खर्च केली जाईल. कंपनीबद्दल२०१४ मध्ये स्थापित इन्फोनेटिव्ह सोल्युशन्स ई-लर्निंग सामग्री तयार करते आणि कॉर्पोरेट आणि शिक्षण क्षेत्रांसाठी ई-लर्निंग सेवा प्रदान करते. कंपनी क्लाउड-आधारित शिक्षण व्यवस्थापन प्रणाली (LMS) आणि संबंधित उत्पादने देते. कंपनीच्या ग्राहकांमध्ये फॉर्च्यून ५०० कंपन्या तसेच सरकारी संस्थांचा समावेश आहे. निव्वळ नफा कंपनीचा निव्वळ नफा २०२२ च्या आर्थिक वर्षात २.२३ कोटी रुपये होता, जो पुढील आर्थिक वर्षात २०२३ मध्ये १.०७ कोटी रुपयांवर आला. त्यानंतर परिस्थिती सुधारली आणि आर्थिक वर्ष २०२४ मध्ये नफा १.४५ कोटी रुपयांवर पोहोचला. या काळात कंपनीच्या महसुलातही चढ-उतार झाले. आर्थिक वर्ष २०२२ मध्ये कंपनीने १८.६३ कोटी रुपये, आर्थिक वर्ष २०२३ मध्ये २०.९५ कोटी रुपये आणि आर्थिक वर्ष २०२४ मध्ये १८.०८ कोटी रुपये महसूल मिळवला. गेल्या आर्थिक वर्ष २०२४-२५ मध्ये एप्रिल-सप्टेंबर २०२४ च्या पहिल्या सहामाहीत कंपनीला ३.६४ कोटी रुपये निव्वळ नफा आणि ११.४२ कोटी रुपये महसूल मिळाला.