मुंबई : प्रधानमंत्री किसान सन्मान निधी योजनेत शेतकऱ्यांना तीन हप्त्यांमध्ये दरवर्षी ६ हजार रुपये मिळतात. या योजनेचा उद्देश लहान आणि सीमांत शेतकऱ्यांना मदत करणे आहे. आतापर्यंत पंतप्रधान किसान योजनेचे १९ हप्ते जारी करण्यात आले आहेत. आता देशभरातील कोट्यवधी शेतकरी २० व्या हप्त्याची वाट पाहत आहेत. योजनेचा १९ वा हप्ता २४ फेब्रुवारी २०२५ रोजी पंतप्रधान नरेंद्र मोदी यांच्या हस्ते बिहारमधील भागलपूर येथून हस्तांतरित करण्यात आला.प्रधानमंत्री किसान सन्मान निधी योजनेचा २० वा हप्ता जून २०२५ मध्ये जारी केला जाऊ शकतो. मात्र, सरकारने अद्याप अधिकृत तारीख जाहीर केलेली नाही. पण आपण मागील हप्त्यांचा ट्रेंड पाहिला तर दर ४ महिन्यांनी पेमेंट केले जाते. अशा परिस्थितीत, पुढील हप्ता जूनमध्ये येईल हे जवळजवळ निश्चित आहे. कोणत्या शेतकऱ्यांना लाभ मिळणार नाही?हे जाणून घेणे महत्त्वाचे आहे की प्रत्येक शेतकऱ्याला हा हप्ता मिळणार नाही. केंद्र सरकारच्या मार्गदर्शक तत्वांनुसार, ई-केवायसी आणि जमीन पडताळणी आता अनिवार्य करण्यात आली आहे. ज्या शेतकऱ्यांनी अद्याप ही प्रक्रिया पूर्ण केलेली नाही त्यांना यावेळीही पैसे मिळणार नाहीत. १९ व्या हप्त्यात देखील हे दिसून आले आहे.सरकारचे उद्दिष्ट हे आहे की हे फायदे फक्त अशा पात्र शेतकऱ्यांपर्यंत पोहोचतील ज्यांना खरोखर गरज आहे आणि जे योजनेच्या अटी पूर्ण करतात. तुम्ही अजून ई-केवायसी केले नसेल किंवा जमिनीची पडताळणी प्रलंबित असेल, तर तुम्हाला जून २०२५ चा हप्ता मिळण्यापासून वंचित राहावे लागू शकते. म्हणून, या दोन्ही प्रक्रिया वेळेवर पूर्ण करणे महत्वाचे आहे, जेणेकरून २० वा हप्ता तुमच्या खात्यात वेळेवर पोहोचेल.