Punjab Kings vs Sunrisers Hyderabad Marathi Updates: अभिषेक शर्माने ( Abhishek Sharma) इंडियन प्रीमिअर लीग २०२५ मधील वेगवान शतकाची नोंद केली. पंजाबच्या २४७ धावांचा पाठलाग करताना अभिषेकने ४९ चेंडूंत १०० धावा पूर्ण केल्या. त्याने शतक पूर्ण केल्यानंतर खिशातून पेपर काढला आणि दाखवला. त्या पेपरवर काहीतरी लिहीले होते आणि ते काय हे जाणून घेऊयात...

पंजाब किंग्सच्या तोडीस तोड खेळ सनरायझर्स हैदराबादने केला. २४६ धावांचा डोंगर उभा केल्यानंतर SRH कडून प्रतीहल्ला होईल, हे अपेक्षित होते. तसे झालेही.. अभिषेक शर्मा व ट्रॅव्हिस हेड यांना मोक्याच्या क्षणी सूर गवसला आणि दोघांच्या फटकेबाजीने हैदराबादचे स्टेडियम दणाणून गेले. अभिषेकला नशीबाचीही साथ मिळाली. झेल पकडला गेला, तो चेंडू नेमका NO Ball ठरला. SRH च्या दोन्ही सलामीवीरांनी चार षटकांत ६१ धावा फलकावर चढवल्या. अभिषेकने १९ चेंडूंत अर्धशतक पूर्ण केले. पंजाबविरुद्ध आयपीएलमधील हे दुसरे वेगवान अर्धशतक ठरले. सुरेश रैनाने २०१४ मध्ये १६ चेंडूंत हा करिष्मा केला होता.

या दोन्ही फलंदाजांना रोखणे पंजाबसाठी अवघड झाले होते. दोघांनी पहिल्या १० षटकांत १४३ धावांचा डोंगर उभा करून हैदराबादचा विजयाचा मजबूत पाया रचला. हेडने ३१ चेंडूंत त्याचे अर्धशतक पूर्ण केले. यंदाच्या आयपीएलमधील सर्वोत्तम भागीदारीचा विक्रम अभिषेक-ट्रॅव्हिसने नावावर केला. साई सुदर्शन व शुभमन गिल यांनी लखनौ सुपर जायंट्सविरुद्ध आजच १२० धावांची भागीदारी केली होती.