मुंबई : भारतीय शेअर बाजारातील मोठ्या चढ-उतारांदरम्यान दिग्गज गुंतवणूकदार विजय केडिया यांनी त्यांच्या पोर्टफोलिओमध्ये काही बदल केले आहेत. त्यांनी मार्च तिमाहीत टाटा समूहाच्या कंपनीतील आपला हिस्सा विकला आहे. हा शेअर्स तेजस नेटवर्क्स लिमिटेडचा आहे. विजय केडिया यांच्याकडे मार्च तिमाहीत या कंपनीचे १८ लाख शेअर्स आहेत. डिसेंबर तिमाहीपर्यंत त्यांच्याकडे २३ लाख शेअर्स होते.
शेअर्स घसरलाबीएसईनुसार, विजय केडिया यांनी त्यांच्या केडिया सिक्युरिटीज प्रायव्हेट लिमिटेड फर्मच्या माध्यमातून मार्च २०२५ मध्ये कंपनीचे ५ लाख शेअर्स विकले. यामुळे डिसेंबर २०२४ मध्ये त्यांच्या होल्डिंगमधून त्यांचा हिस्सा १.०२ टक्क्यांपर्यंत कमी झाला. कंपनीच्या शेअर्समध्ये गुुरूवारी २% ची घसरण झाली आणि सुरुवातीच्या व्यवहारात हा शेअर ८४९.४५ रुपयांवर आला. बाजार बंद होता हा शेअर्स ७.७५ रुपयांनी घसरून ८५५.५० रुपयांवर बंद झाला.
५२ आठवड्यांचा उच्चांकतेजस नेटवर्क्स लिमिटेड शेअरचा ५२ आठवड्यांचा उच्चांक १,४९५.१० रुपये आहे. तर ५२ आठवड्यांची नीचांकी किंमत ६४७ रुपये प्रति शेअर आहे. कंपनीचे मार्केट कॅप १४,९७९.४७ कोटी रुपये आहे. सप्टेंबर २०२४ पर्यंत प्रमोटर्सकडे ५३.८३ टक्के, एफआयआयकडे ७.०८ टक्के आणि डीआयआयकडे ४.८५ टक्के हिस्सा आहे. कंपनीची ऑर्डर बुक ३१ डिसेंबर २०२४ पर्यंत २,६८१ कोटी रुपये आहे. या शेअर्सने ५ वर्षात २००० टक्क्यांहून अधिक मल्टीबॅगर परतावा दिला आहे.
कंपनीचा व्यवसायतेजस नेटवर्क्स लिमिटेड ७५ हून अधिक देशांमध्ये दूरसंचार सेवा प्रदाते, इंटरनेट सेवा प्रदाते, उपयुक्तता, संरक्षण आणि सरकारी संस्थांसाठी उच्च दर्जाचे वायरलाइन आणि वायरलेस नेटवर्किंग उत्पादने डिझाइन आणि तयार करते. तेजस नेटवर्क्स लिमिटेड ही टाटा समूहाचा एक भाग आहे. यामध्ये पॅनटन फिनवेस्ट लिमिटेड (टाटा सन्स प्रायव्हेट लिमिटेडची उपकंपनी) बहुसंख्य भागधारक आहे.
