इंडियन प्रीमियर लीग २०२५ स्पर्धेत शनिवारी (१९ एप्रिल) गुजरात टायटन्स विरुद्ध दिल्ली कॅपिटल्स संघात सामना होत आहे. हा सामना गुजरातच्या घरच्या मैदानात नरेंद्र मोदी स्टेडियमवर खेळवला जात आहे.

पण हा सामना दुपारी खेळवला जात असल्याने भारतात वाढलेली उष्णता ही मोठी समस्या आहे. अशात गुजरात टायटन्सने एक मोठा निर्णय जाहीर केला होता. पण त्यावर आता टीकाही होताना दिसत आहेत.

शनिवारी दुपारी ४० डिग्री सेल्सियसच्या जवळपास तापमान आहे. त्यामुळे मोफत पाणीस सनस्क्रीन आणि ओआरएस देण्याची घोषणा सामन्यापूर्वी केली होती. त्यामुळे चाहत्यांमध्ये आनंदाचे वातावरण होते. कारण स्टेडियममध्ये पाण्याच्या बाटल्या किंवा कोणतेही खाद्यपदार्थ घेऊन जाण्याची परवानगी नाही.

अशात रखरखत्या उन्हात गुजरातच्या मॅनेजमेंटने घेतलेला हा निर्णय महत्त्वाचा मानता जात आहे. नरेंद्र मोदी स्टेडियम हे जगातील सर्वात मोठे स्टेडियम आहे. या स्टेडियममध्ये १ लाखाहून अधिक प्रेक्षकांना हजर राहाता येते. अशात गुजरातने दिलेल्या या सुविधांबद्दल कौतुक होत आहे.