एडम मारक्रम-आयुष बदोनी या जोडीने केलेली अर्धशतकी खेळी आणि अब्दुल समद याने शेवटच्या षटकात केलेल्या फटकेबाजीच्या जोरावर लखनौ सुपर जायंट्सने राजस्थान रॉयल्ससमोर आयपीएलच्या 18 व्या मोसमातील 36 व्या सामन्यात 181 धावांचं आव्हान ठेवलं आहे. लखनौने 20 ओव्हरमध्ये सवाई मानसिंह स्टेडियममध्ये 5 विकेट्स गमावून 180 धावा केल्या. अब्दुल समद याने शेवटच्या ओव्हरमध्ये 27 धावा ठोकल्या. त्यामुळे राजस्थान काही प्रमाणात बॅकफुटवर गेली. आता राजस्थानला या शेवटच्या ओव्हरमध्ये लुटवलेल्या 27 धावा किती महागात पडतात? हे निकालानंतरच स्पष्ट होईल.