मुंबई : मुथूट फायनान्स लिमिटेड (Muthoot Finance) ने गुंतवणूकदारांसाठी आतापर्यंतचा सर्वात मोठा लाभांश जाहीर केला आहे. मुथूट फायनान्सच्या संचालक मंडळाने २१ एप्रिल रोजी झालेल्या बैठकीत २०२४-२५ या आर्थिक वर्षासाठी प्रति शेअर २६ रुपये अंतरिम लाभांश देण्याची शिफारस केली. हा लाभांश २०२४-२५ या आर्थिक वर्षासाठी जाहीर करण्यात आला आहे. या अंतरिम लाभांशाला भागधारकांनी अद्याप मान्यता दिलेली नाही. रेकॉर्ड तारीखमुथूट फायनान्सने या लाभांशासाठी २५ एप्रिल २०२५ ही रेकॉर्ड तारीख निश्चित केली आहेत. लाभांशाचा लाभ फक्त त्या गुंतवणूकदारांनाच मिळेल ज्यांच्याकडे २५ एप्रिलपर्यंत कंपनीचे शेअर्स आहेत. मुथूट फायनान्स दरवर्षी गुंतवणूकदारांना चांगला लाभांश देत आहे. २०२४ मध्ये कंपनीने प्रति शेअर २४ रुपये लाभांश दिला होता. तर २०२३ मध्ये २२ रुपये, २०२२ मध्ये २० रुपये लाभांश देण्यात आला. शेअर्स वधारलामुथूट फायनान्स ही देशातील एक एनबीएफसी (नॉन-बँकिंग फायनान्शियल कंपनी) आहे. कंपनीचे बाजार भांडवल ८८,२९५ कोटी रुपये आहे. सोमवार २१ एप्रिल रोजी कंपनीचा शेअर बीएसईवर ४.४७% वाढीसह २,२०६ रुपयांवर बंद झाला. सकाळी बीएसईवर हा शेअर २१२१.१० रुपयांवर वाढीसह उघडला. यानंतर तो मागील बंद किमतीपेक्षा ४.६ टक्क्यांनी वाढून २१२१.१० रुपयांच्या उच्चांकावर पोहोचला. गेल्या एका वर्षात या शेअरमध्ये ३३ टक्के वाढ झाली आहे. फक्त एका आठवड्यात किंमत ९ टक्क्यांनी वाढली आहे. मार्च २०२५ अखेर कंपनीत प्रवर्तकांचा ७३.३५ टक्के हिस्सा होता. जॉर्ज जोसेफ स्वतंत्र संचालकमुथूट फायनान्सने शेअर बाजारांना असेही कळवले की त्यांच्या संचालक मंडळाने जॉर्ज जोसेफ यांची स्वतंत्र संचालक म्हणून नियुक्ती करण्यास मान्यता दिली आहे. या प्रस्तावावर भागधारकांची मंजुरी अद्याप घेतलेली नाही. ऑक्टोबर-डिसेंबर २०२४ या तिमाहीत कंपनीने स्वतंत्रपणे ४४२३.४६ कोटी रुपयांचा महसूल मिळवला होता. निव्वळ नफा १,३६३ कोटी रुपये आणि प्रति शेअर कमाई सुमारे ३४ कोटी रुपये होती. आर्थिक वर्ष २०२४ मध्ये मुथूट फायनान्सने १२,६३५ कोटी रुपये महसूल, ४,०४९.६७ कोटी रुपये निव्वळ नफा आणि १००.८८ कोटी रुपये प्रति शेअर कमाई नोंदवली.