मुंबई : म्युच्युअल फंडांच्या नवीन योजनेत गुंतवणूक करणाऱ्यांसाठी आनंदाची बातमी आहे. पुढील आठवड्यात बाजारात तीन नवीन योजना खुल्या होणार आहेत. या एनएफओमध्ये डीएसपी सिल्व्हर ईटीएफ एफओएफ, एचडीएफसी क्रिसिल-आयबीएक्स फायनान्शियल सर्व्हिसेस ३-६ मंथ डेट इंडेक्स फंड आणि यूटीआय मल्टी कॅप फंड यांचा समावेश आहे. गुंतवणूकदार २८ एप्रिल ते १३ मे २०२५ पर्यंत या फंडांमध्ये गुंतवणूक करू शकतात. हे फंड वेगवेगळ्या श्रेणी, गुंतवणूक उद्दिष्टे आणि जोखीम पातळीसह सुरू केले जात आहेत. त्यामुळे प्रत्येक प्रकारचा गुंतवणूकदार त्यांच्या गरजा आणि लक्ष्यांनुसार पर्याय निवडू शकेल. डीएसपी सिल्व्हर ईटीएफ-एफओएफडीएसपी सिल्व्हर ईटीएफ फंड ऑफ फंड्स २८ एप्रिल २०२५ रोजी सबस्क्रिप्शनसाठी उघडेल आणि ९ मे २०२५ रोजी बंद होईल. गुंतवणूकदार किमान १०० रुपयांपासून या फंडात गुंतवणूक सुरू करू शकतात. या योजनेत कोणताही लॉक इन पीरियड नाही आणि कोणताही एक्झिट लोड नाही. अनिल घेलानी आणि दीपेश शाह हे या योजनेचे निधी व्यवस्थापक आहेत. हा एक एक्सचेंज ट्रेडेड फंड आहे जो डीएसपी सिल्व्हर ईटीएफमध्ये गुंतवणूक करेल. या योजनेला रिस्कमीटरवर उच्च जोखीम श्रेणीत ठेवण्यात आले आहे. या फंडाचा बेंचमार्क चांदीचा देशांतर्गत भाव आहे. एचडीएफसी क्रिसिल-आयबीएक्स फायनान्शियल सर्व्हिसेस ३-६ महिने डेट इंडेक्स फंडहा फंड २८ एप्रिल २०२५ रोजी सबस्क्रिप्शनसाठी उघडेल आणि ५ मे २०२५ रोजी बंद होईल. गुंतवणूकदार या फंडात किमान १०० रुपयांपासून गुंतवणूक सुरू करू शकतात. हा एक ओपन-एंडेड अल्ट्रा शॉर्ट ड्यूरेशन डेट फंड आहे. हा फंड ३ ते ६ महिन्यांत परिपक्व होणाऱ्या सिक्युरिटीजमध्ये गुंतवणूक करतो. या योजनेचा बेंचमार्क CRISIL-IBX फायनान्शियल सर्व्हिसेस 3 ते 6 महिन्यांचे डेट आहे. या योजनेत एक्झिट लोड शून्य आहे. अनुपम जोशी हे या योजनेचे निधी व्यवस्थापक आहेत. रिस्कमीटरवर ही योजना कमी ते मध्यम जोखीम श्रेणीत ठेवली जाते. यूटीआय मल्टीकॅप फंडयूटीआय मल्टी कॅप फंड २९ एप्रिल २०२५ रोजी सबस्क्रिप्शनसाठी उघडेल आणि १३ मे २०२५ रोजी बंद होईल. गुंतवणूकदार किमान १००० रुपयांपासून या फंडात गुंतवणूक सुरू करू शकतात. हा एक ओपन-एंडेड मल्टी-कॅप फंड असून तो निफ्टी ५०० मल्टीकॅप ५०:२५:२५ टीआरआय इंडेक्स ट्रॅक करण्यासाठी डिझाइन केलेला आहे. कार्तिकराज लक्ष्मणन हे या योजनेचे निधी व्यवस्थापक आहेत. या योजनेत लॉक इन कालावधी नाही. मात्र, ९० दिवसांच्या आत रिडेम्पशन केले तर गुंतवणूकदारांना १% एक्झिट लोड भरावा लागेल. या योजनेला रिस्कमीटरवर उच्च जोखीम श्रेणीत ठेवण्यात आले आहे.