LPG Price Down : गॅस वितरक कंपन्या दर महिन्याच्या पहिल्या तारखेला सिलिंडरच्या किंमती सुधारीत करीत असतात. आज मे महिन्याच्या पहिल्या दिवशी गॅस वितरक कंपन्यांनी घरगुती एलपीजी म्हणजेच १४.२ किलोच्या गॅस सिलिंडरच्या किमतीत कोणताही बदल केलेला नाही, परंतु १९ किलोच्या सिलिंडरच्या किमतीत कपात करण्यात आली आहे. १ मे रोजी गॅसच्या किमतीत झालेल्या बदलानुसार आता राजधानी दिल्लीत दोन महिन्यांत १९ किलोच्या गॅस सिलिंडरसाठी १७४७.५० रुपये मोजावे लागतील. गेल्या महिन्यात यासाठी १७६२ रुपये आणि मार्चमध्ये १८०३ रुपये द्यावे लागले. १९ किलोच्या गॅस सिलेंडरची किंमत दोन महिन्यांत ५५.५ रुपयांनी आणि एका महिन्यात १४.५ रुपयांनी कमी झाली आहे. सामान्य लोकांना काय होणार फायदा?१९ किलो वजनाचे गॅस सिलिंडर हॉटेल्स, रेस्टॉरंट्स इत्यादी व्यावसायिक कारणांसाठी वापरले जातात. अशा परिस्थितीत जर त्याची किंमत असेल, तर हॉटेल्स, रेस्टॉरंट्स इत्यादी त्यांच्या मेनूमधील किंमत कमी होऊ शकतात. याचा ग्राहकांना फायदा होऊ शकतो. १९ किलोच्या सिलेंडरच्या नवीन आणि जुन्या किमती

• दिल्ली: १७६२.०० रुपये १७४७.५० रुपये
• कोलकाता: १८६८.५० रुपये १८५१.५० रुपये
• मुंबई: १७१३.५० रुपये १६९९.०० रुपये
• चेन्नई: १९२१.५० रुपये १९०६.००

एप्रिलमध्ये घरगुती गॅस महाग झालागेल्या महिन्यात, ७ एप्रिल रोजी सरकारने घरगुती वापरासाठी १४.२ किलोच्या एलपीजी सिलिंडरच्या किमतीत वाढ केली होती. त्यानंतर सरकारने स्वयंपाकघरातील गॅस सिलिंडर ५० रुपयांनी महाग केला होता. ही वाढ उज्ज्वला योजनेतील लाभार्थी आणि सामान्य जनतेला लागू होती. दोन्ही सिलिंडरच्या किमतीत ५० रुपयांची वाढ करण्यात आली. ७ एप्रिल रोजी झालेल्या दरवाढीनंतर त्यांना एलपीजी सिलेंडर ५५० रुपयांना मिळत आहे. तसेच, सामान्य नागरिकांना सिलेंडरसाठी ८५३ रुपये मोजावे लागत आहेत. ७ एप्रिल रोजी नवीन दर जाहीर सामान्य ग्राहकांसाठी १४.२ किलोच्या एलपीजी सिलिंडरची किंमत ८०३ रुपयांवरून ८५३ रुपये झाली आहे. उज्ज्वला योजनेअंतर्गत ग्राहकांसाठी १४.२ किलोच्या सिलिंडरची किंमत आता ५०३ रुपयांवरून ५५३ रुपये झाली आहे. घरगुती एलपीजी सिलेंडरची किंमत

• दिल्ली: ८५३.०० रुपये
• कोलकाता : ८७९.०० रुपये
• मुंबई : ८५२.५० रुपये
• चेन्नई: ८६८.५० रुपये