मुंबई : देशातील सर्वात मोठी औषध कंपनी सन फार्मास्युटिकल इंडस्ट्रीज लिमिटेडने मार्च २०२५ च्या तिमाहीचे निकाल (Sun Pharma Q4 Results) जाहीर केले आहेत. याचबरोबर कंपनीने तिच्या भागधारकांना अंतिम लाभांश (Sun Pharma final dividend) देण्याची शिफारस देखील केली आहे. चौथ्या तिमाहीत कंपनीचा नफा १९% ने घसरून २,१५३.९ कोटी रुपये झाला. गेल्या वर्षी याच तिमाहीत नफा २,६५८.७४ कोटी रुपये होता. लाभांश रेकॉर्ड तारीख सन फार्मास्युटिकलने प्रत्येक शेअरसाठी ५.५० रुपयांचा अंतिम लाभांश देण्याची शिफारस केली आहे. हा लाभांश भागधारकांच्या आगामी वार्षिक सर्वसाधारण सभेत (एजीएम) मंजुरीसाठी प्रस्तावित आहे. अंतिम लाभांशासाठी पात्र असलेले भागधारक निश्चित करण्याची रेकॉर्ड तारीख सोमवार ७ जुलै २०२५ ही आहे. लाभांश वार्षिक सर्वसाधारण सभेत मंजूर झाला तर तो शुक्रवार ८ ऑगस्ट २०२५ रोजी किंवा त्यापूर्वी दिला जाईल. कामकाजातून मिळणाऱ्या महसुलात वाढएक्सचेंज फाइलिंगनुसार, कंपनीच्या कामकाजातून मिळणारा महसूल ८.४८% ने वाढून १२,९५८.८४ कोटी रुपयांवर गेला आहे. गेल्या वर्षी याच तिमाहीत ११,९८२.९ कोटी रुपये होता. कंपनीचे अध्यक्ष आणि व्यवस्थापकीय संचालक दिलीप संघवी म्हणाले, भारतातील वाढत्या बाजारपेठेतील वाटा आणि जागतिक स्पेशॅलिटी सेगमेंटमधील वाढीमुळे या वर्षी आमच्या व्यवसायाने चांगली कामगिरी केली आहे. जागतिक स्पेशॅलिटीमधील आमची नजीकच्या काळातली पाइपलाइन उत्साहवर्धक आहे, ज्यामध्ये लेक्सेल्वी आणि अनलॉक्ससाइट सारख्या उत्पादनांचा समावेश आहे, जे आम्ही अलीकडेच जाहीर केलेल्या चेकपॉईंट अधिग्रहणातून विकत घेतले आहेत. ही उत्पादने रुग्णसेवेत लक्षणीयरीत्या सुधारणा करतील. आम्हाला अपेक्षा आहे की भविष्यात स्पेशॅलिटी आमच्यासाठी आणखी महत्त्वाचा व्यवसाय सेगमेंट बनेल. शेअर्स घसरलातिमाही निकाल जाहीर होण्यापूर्वी बीएसईवर सन फार्माचे शेअर्स (Sun Pharma share price) ०.५२% घसरून १,७२२.६५ रुपयांवर बंद झाले. गेल्या एका वर्षात या औषध कंपनीने ११.८४% नफा दिला आहे. मात्र, या वर्षी म्हणजेच २०२५ मध्ये आतापर्यंत कंपनीचे शेअर्स ८.८४% ने घसरले आहेत.