தமிழ் சினிமாவின் மூத்த மற்றும் முன்னணி நடிகராக இருந்து வருபவர் கமல்ஹாசன். தனது ஐந்து வயது முதலே நடிப்பை தேர்ந்தெடுத்து நடிக்க தொடங்கியவர் கமலஹாசன். 1960 ஆம் ஆண்டு களத்தூர் கண்ணம்மா என்ற திரைப்படத்தில் நடித்ததன் மூலம் தமிழ் சினிமாவில் குழந்தை நட்சத்திரமாக அறிமுகமானார் கமலஹாசன். அன்றிலிருந்து இன்று வரை கிட்டத்தட்ட 60 ஆண்டுகளுக்கும் மேலாக தமிழ் சினிமாவில் நடித்து வருகிறார் கமல்ஹாசன்.

இவரை உலகநாயகன் என்று அழைக்கின்றனர். அது மட்டும் இல்லாமல் இன்றைய இளம் தலைமுறை நடிகர்கள் அவரை ஒரு ஆசானாகவே பார்க்கின்றனர். இவர் நடித்த ஹிட் படங்கள் ஏராளம்.1980 90களில் புகழின் உச்சியில் இருந்தார் கமல்ஹாசன். அதற்கு அடுத்ததாக இன்றும் மனம் தளராமல் நாயகனாக பல திரைப்படங்களில் நடித்து வருகிறார் கமல்ஹாசன். இவர் நடித்த தக்லைப் திரைப்படம் வெளிவர இருக்கிறது.

நடிப்பது மட்டுமல்லாமல் பல திரைப்படங்களை தயாரித்தும் இருக்கிறார் கமல்ஹாசன். இந்நிலையில் இவர் நடித்த தக்லைப் திரைப்படத்திற்கான பிரமோஷன் நிகழ்ச்சிகளில் கலந்து வருகிறார் கமல்ஹாசன். அந்த நிகழ்ச்சிகளில் பல விஷயங்களை பகிர்ந்திருக்கிறார்.

அப்போது பத்திரிக்கையாளர்கள் கமல்ஹாசன் அவர்களிடம் நடிப்பிலிருந்து ஓய்வு பெறும் எண்ணம் இருக்கிறதா அப்படி இருந்தால் எப்போது என்று கேட்டனர். அதற்கு பதில் அளித்த கமல்ஹாசன், நான் எப்போதும் நடிப்பிலிருந்து ஓய்வு எடுக்க மாட்டேன். அப்படி நான் ஓய்வு பெறுகிறேன் என்றால் அது நான் இறந்த நாளாக தான் இருக்கும் என்று உருக்கமாக பதில் அளித்து இருக்கிறார் கமல்ஹாசன்.