पंजाब किंग्स १४ सामन्यात ९ विजय, ४ पराभव आणि १ रद्द सामन्यासह १९ गुण मिळवून पहिल्या क्रमांकावर आहे. रॉयल चॅलेंजर्स बंगळुरू १४ सामन्यांत ९ विजय, ४ पराभव आणि १ रद्द सामन्यासह १९ गुण मिळवून दुसऱ्या क्रमांकावर आहे. पंजाबचा नेट रन रेट बंगळुरूपेक्षा जास्त असल्याने ते अव्वल क्रमांकावर आहेत.

गुजरात टायटन्सने १४ सामन्यांत ९ विजय आणि ५ पराभवांसह १८ गुण मिळवत तिसरा क्रमांक मिळवला आहे. मुंबई इंडियन्स १४ सामन्यांत ८ विजय आणि ६ पराभवांसह १६ गुण मिळवून चौथ्या क्रमांकावर आहेत.

पाँइंट्स टेबलमध्ये पहिल्या दोन क्रमांकावर राहिलेले संघ क्वालिफायर १ सामना खेळतात. या सामन्यात विजय मिळवणारा संघ थेट अंतिम सामन्यात प्रवेश करतो. म्हणजेच आता पंजाब आणि बंगळुरू यांना क्वालिफायर १ सामना जिंकून थेट अंतिम सामना गाठण्याची संधी असेल. तसेच पराभूत होणाऱ्या संघाला क्वालिफायर २ सामना खेळण्याची दुसरी संधी मिळेल.

तसेच एलिमिनेटरमध्ये विजय मिळवणारा संघ क्वालिफायर २ सामन्यात प्रवेश करेल, तर पराभूत होणाऱ्या संघाचे आव्हान संपणार आहे. म्हणजेच गुजरात आणि मुंबई यांच्यात होणाऱ्या एलिमिनेटर सामन्यात पराभूत होणारा संघ स्पर्धेतून बाहेर जाईल. तसेच विजय मिळवणारा संघ क्वालिफायर २ मध्ये पंजाब आणि बंगळुरू यांच्यात पराभूत होणाऱ्या संघाविरुद्ध खेळले. क्वालिफायर २ मध्ये विजयी होणारा संघ अंतिम सामन्यात पोहचणारा दुसरा संघ असेल.

• २९ मे : क्वालिफायर १ सामना - पंजाब किंग्स विरुद्ध रॉयल चॅलेंजर्स बंगळुरू, मुल्लनपूर

• ३० मे : एलिमिनेटर सामना - गुजरात टायटन्स विरुद्ध मुंबई इंडियन्स, मुल्लनपूर

• १ जून : क्वालिफायर २ सामना, अहमदाबाद

• ३ जून : अंतिम सामना, अहमदाबाद