मुंबई : नोकरी डॉट कॉम आणि जीवनसाथी डॉट कॉम सारख्या डिजिटल प्लॅटफॉर्मची मालकी असलेल्या इन्फो एज (इंडिया) लिमिटेडने तिमाही निकालांसोबतच पहिल्यांदाच लाभांश (Naukri.com parent company Info Edge dividend) जाहीर केला आहे. कंपनीच्या अलिकडच्या स्टाॅक स्प्लिटनंतर हा लाभांश जाहीर करण्यात आला आहे. कंपनीने २०२४-२५ आर्थिक वर्षासाठी प्रति शेअर ३.६० रुपयांचा अंतिम लाभांश देण्याची घोषणा केली आहे. या लाभांशाला कंपनीच्या ३० व्या वार्षिक सर्वसाधारण सभेत (एजीएम) भागधारकांची मंजुरी घेतली जाईल. रेकॉर्ड तारीखइन्फो एजने लाभांशासाठी २५ जुलै २०२५ ही रेकॉर्ड तारीख (Info Edge dividend record date) निश्चित केली आहे. याच्या आधारावर पात्र भागधारकांना लाभांश मिळेल. वार्षिक सर्वसाधारण सभेत मंजुरी मिळाल्यानंतर लाभांश २ सप्टेंबर २०२५ रोजी किंवा त्यानंतर दिला जाईल. यामध्ये टीडीएस (स्रोतावर कर वजावट) लागू असेल. चौथ्या तिमाहीत चांगली कामगिरीआर्थिक वर्ष २०२४-२५ च्या चौथ्या तिमाहीत इन्फो एजचा एकत्रित निव्वळ नफा मागील तिमाहीच्या तुलनेत ८३% वाढून ४६३ कोटी रुपये झाला. या नफ्यात २५.५ कोटी रुपयांचा विशेष फायदा देखील समाविष्ट आहे. याशिवाय ऑपरेशनल महसूल मागील वर्षीच्या ६०८ कोटींवरून १२.९६% वाढून ६८७ कोटी रुपयांवर गेला आहे. तर एकूण उत्पन्न १२.३९% वाढून ७६५ कोटी रुपये झाले. EBITDA मार्जिनमध्ये घट झाली असली तरी EBITDA ५% ने वाढून ३३२ कोटी रुपये झाला. मार्च २०२४ च्या तिमाहीत तो ५१.७८% होता. मार्च २०२५ च्या तिमाहीत तो ४८.३५% पर्यंत घसरला, स्टॉक स्प्लिटइन्फो एजने या वर्षी फेब्रुवारीमध्ये १:५ च्या प्रमाणात स्टॉक स्प्लिटची घोषणा केली होती. कंपनीचा १० रुपये दर्शनी मूल्याचा प्रत्येक शेअर २ रुपयांच्या पाच शेअर्समध्ये विभागला गेला आहे. यासाठी रेकॉर्ड तारीख ७ मे २०२५ होती. शेअर्समध्ये घसरणमंगळवारी निकाल जाहीर झाल्यानंतर इन्फो एजचे शेअर्स (Info Edge share price) ०.८५% वाढून १,४६१.०० रुपयांवर बंद झाले. तर बुधवारी शेअर्स घसरून १,४१६.५० रुपयांवर आले. गेल्या १ वर्षात या शेअर्सने गुंतवणूकदारांना १६.७३% परतावा दिला आहे. मात्र, या वर्षी म्हणजेच २०२५ मध्ये आतापर्यंत शेअर्स १६.३३% घसरले आहेत.