रशिया आणि उत्तर कोरिया यांच्यातील वाढत्या लष्करी नात्यासंदर्भात एक रिपोर्ट समोर आला आहे. रशियाने उत्तर कोरियाला आपले एअर डिफेन्स सिस्टम, इलेक्ट्रॉनिक जॅमर आणि इतर सैनिक मदत दिली आहे. एका आंतरराष्ट्रीय रिपोर्टमधून हा दावा करण्यात आला आहे. विशेष म्हणजे संयुक्त राष्ट्रसंघाकडून उत्तर कोरियावर प्रतिबंध असताना हे सर्व होत आहे. एका प्रकारे व्लादिमीर पुतिन यांनी अमेरिकेला धक्का दिला आहे.

उत्तर कोरियाला रशियाने सैन्य मदत दिल्याबद्दल बहुपक्षीय देखरेख समूहाने (Multilateral Sanctions Monitoring Team) दिलेल्या अहवालात दावा केला आहे. त्यात म्हटले आहे की, नोव्हेंबर 2024 पासून किंवा त्यापूर्वी रशिया उत्तर कोरियाला सैन्य मदत देत आहे. उत्तर कोरियाला रशियाने पॅटीर मोबाइल संरक्षण प्रणाली, लढाऊ विमाने दिली आहे. ही प्रणाली जमिनीवर हवेत मार करण्यासाठी ओळखली जाते. शत्रूचे विमान अवकाशात नष्ट करण्याची क्षमता या प्रणालीत आहे.

पॅटीर डिफेन्स सिस्टमच्या क्षेपणास्त्राची स्पीड ब्राह्मोसपेक्षाही जास्त आहे. परंतु ब्रह्मोस आणि त्याची तुलना करता येणार नाही. कारण पॅटीर एक शॉर्ट रेंज एअर डिफेन्स प्रणाली आहे. दुसरीकडे ब्राह्मोस सुपरसॉनिक क्रूझ क्षेपणास्त्र आहे. रेंजमध्ये ब्राह्मोस खूप पुढे आहे. ब्राह्मोस 650 किमीपर्यंत हल्ला करु शकतो. परंतु पॅटीरची 1.2 ते 20 किमीची रेंज आहे. या टप्प्यात येणाऱ्या क्षेपणास्त्राने त्याचा मारा होऊ शकतो. परंतु वेगाचा विचार केल्यास पॅटीर ब्राह्मोसपेक्षा पुढे आहे. याचा वेग 3.2 मॅक असू शकतो. ब्राह्मोसचा वेग 3 मॅक आहे.

एमएसएमटी समूह अमेरिका आणि दक्षिण कोरियाने मिळून मागील वर्षी तयार केला होता. त्यावेळी रशियाच्या व्हिटोमुळे संयुक्त राष्ट्रसंघाचे विशेष पॅनल बरखास्त करण्यात आले होते. आता या पॅनलमध्ये 11 देश आहेत. त्यात फ्रॉन्स, ब्रिटेन, जपान आणि जर्मनीसारखे मोठे देशही आहेत. रिपोर्टमध्ये दावा केला आहे की, सप्टेंबर 2023 मध्ये उत्तर कोरियाला रशियाने मोठ्या प्रमाणात शस्त्रे पाठवली. त्यात आर्टिलरी राउंड्स, शेकडो क्षेपणास्त्रे, तोफा, एंटी टँक गाईड यांचा समावेश आहे. तीन बटालियन शस्त्रसज्ज होऊ शकते, इतका हा शस्त्रसाठा आहे.